Фото: Bigmir.net

Грузияның бұрынғы басшысы, Одесса облысының экс-губернаторы Михаил Саакашвили Украинада жаңа революция жасамауға уәде берді.

Михаил Саакашвили Украинаның Винница қаласында өткізген шеруінде сөйлеген сөзінде: «Мен бұрынғы революционер болсамда Украинада жаңа революция жасау ойымда жоқ. Мен алдыма қойған мақсаттарым мен билікке қойған талаптарымды заң жүзінде іске асыратын боламын» - деген.

Бұған дейін ол қазан айына дейін Украинаның түкпір-түкпіріне барып халықпен кездесетінін, содан кейін барып ел астанасы Киевте үлкен көлемде шеру өткізіп, халықтың арыз-талаптарын билікке жеткізетінін айтқан болатын.

Естеріңізге салайық, Михаил Саакашвили Украинаға қыркүйектің 10-ы күні келген. Оны бұның алдында шілде айының 26-сы күні Петр Порошенко Украина азаматтығынан шығарып тастаған болатын. Бірақ ол бұған қарамастан Украинаға қайтып оралып, елдегі саяси күштерді біріктіріп Порошенко билігіне қарсы тұра алатын оппозициялық топ құратынын мәлімдеген еді.

“The Qazaq Times”