سوڭعى جىلدارى قازاقستانداعى استىقتىڭ ساپاسى تومەندەپ كەتكەن. مىسالى 2011 جىلدارى 1-ءشى جانە 3-ءشى ساناتتاعى استىقتىڭ كولەمى 88% بولسا، 2016 جىلى بۇل كورسەتكىش 45%-عا دەيىن قۇلدىراپ كەتكەن. ال 4-5 ساناتتىعى استىقتىڭ ساپاسى كەرىسىنشە، 2011 جىلدان باستاپ 2016 جىلعا دەيىن 10%-دان 41%-عا كوتەرىلگەن. بۇل تۋرالى ۇكىمەت وتىرىسىندا اۋىل شارۋاشىلىق ۆيتسە-ءمينيسترى قايرات ايتۋعانوۆ مالىمدەدى.
"وسىنداي ناتيجە كورسەتىپ وتىرعاندىقتان ساپاسى جوعارى تازا تۇقىمداردى سۋبسيديالاۋ قايتا قالپىنا كەلتىرىلدى. بيىلعى جىلى تۇقىمدىق ءۇشىن 7,7 ملرد تەڭگە ءبولۋ مۇمكىندىگى تۋدى جانە بۇل 2016 جىلمەن سالىستىرعاندا 3,2 ەسەگە جوعارى", - دەدى ءبىرىنشى ۆيتسە-مينيستر.
ايتۋعانوۆتىڭ سوزىنشە، قازىرگى كەزدە كوكتەمگى ەگىن جۇمىستارى 85%-عا اياقتالعان. كوكتەمنىڭ سالقىن بولۋىنا بايلانىستى ەگىن كەش باستالۋىنا قاراماستان جۇمىس قارقىنى وتكەن جىلدىڭ دەڭگەيىنە ءجاتىپ قالعان.
ال مينەرالدى تىڭايتقىشتاردى ساتىپ الۋعا 13 ملرد تەڭگە سۋبسيديا بولىنگەن جانە بۇل وتكەن جىلعا قاراعاندا 2 ملرد تەڭگەگە كوپ. سونداي-اق، سۋبسيديالاناتىن تىڭايتقىشتاردىڭ تۇرلەرى 2016 جىلى 86 مىڭ توننا بولسا، بيىلعى جىلى شامامەن 161 مىڭ توننانى قۇرايدى.
قازاقستان ءۇشىن استىق ساپاسىنىڭ تومەندەۋى جاقسى ەمەس. سەبەبى ەلىمىزدىڭ ەكونوميكاسىن مۇنايدان كەيىن اۋىل شارۋاشىلىعى ونىمدەرى جاقسارتا الادى. الايدا ولاردىڭ ساپاسى تومەن بولسا سىرتقى نارىققا شىعۋى ەكىتالاي. بۇل دەگەنىڭىز، باسقا باسەكەلەس ەلدەرگە ەرىكسىز جول بەرەمىز دەگەن ءسوز.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى