باس پروكۋراتۋرا بۇرىنعى باس پروكۋرور ءارى سىبايلاس جەمقورلىققا قارسى اگەنتتىكتىڭ ەكس-توراعاسى قايرات قوجامجاروۆقا قاتىستى سوتقا دەيىنگى تەرگەۋ باستالعانىن رەسمي حابارلادى. وعان لاۋازىمدىق وكىلەتتىگىن اسىرا پايدالانۋ جانە قىلمىستىق جولمەن الىنعان قاراجاتتى زاڭداستىرۋ كۇدىگى تاعىلىپ وتىر.
ازىرگە قوجامجاروۆتىڭ ۇستالعانى جونىندە رەسمي دەرەك جوق. پروكۋراتۋرا تەك تەرگەۋ باستالعانىن اتاپ ءوتتى.
60 جاستاعى قايرات قوجامجاروۆ – نازارباەۆ تۇسىنداعى ەڭ ىقپالدى كۇشتىك قۇرىلىم وكىلدەرىنىڭ ءبىرى.
ءارتۇرلى كەزەڭدە جەمقورلىققا قارسى اگەنتتىكتى، باس پروكۋراتۋرانى باسقاردى.
2019 جىلى نازارباەۆ وتستاۆكاعا كەتكەن كۇنى سەنات دەپۋتاتى بولدى.
بۇعان قوسا پرەزيدەنت كەڭەسشىسى، قاۋىپسىزدىك كەڭەسىنىڭ حاتشىسى، اقمولا وبلىسىنىڭ اكىمى قىزمەتتەرىن اتقاردى.
2023 جىلدان بەرى مەملەكەتتىك قىزمەتتە ەمەس.
سوڭعى ۋاقىتتا قوجامجاروۆقا جاقىن دەلىنەتىن شەنەۋنىكتەرگە قارسى ءىس قوزعالىپ جاتىر:
جەمقورلىققا قارسى ۇلتتىق بيۋرونىڭ بۇرىنعى جەتەكشىسى تالعات تاتۋباەۆ ەكى ايعا قامالدى.
ارنايى پروكۋرورلار قىزمەتىنىڭ باسشىسى بولعان ولەسيا كەكسەل ازاپتاۋ ءىسى بويىنشا كۇدىكتى دەپ تانىلدى.
بۇل تەرگەۋ – نازارباەۆ داۋىرىندەگى ساياسي ەليتانىڭ ىقپالدى وكىلدەرىنە كەزەك كەلگەنىنىڭ ايعاعى ما؟ قوجامجاروۆقا قاتىستى ءىستىڭ قالاي ءوربيتىنى بيلىك پەن قوعام ءۇشىن ماڭىزدى كورسەتكىش بولماق دەپ ويلاعانىمىزبەن بۇل شىنىمەن جەمقورلىقپەن كۇرەس پە، الدە ەليتارالىق تارتىستىڭ جالعاسى ما؟ ونىڭ ءبارىن تەك جوعارداعىلار بىلەدى...
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپكەرسىزدىگى مە، جۇيەلىك داعدارىس پا؟
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟
بەسەۋدىڭ سوتى: قازاقستانداعى جاڭا ساياسي رەپرەسسيانىڭ كورىنىسى
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟