ماسساچۋسەتس شتاتى ۇلتتىق گۆاردياسى اسكەري-اۋە كۇشتەرى بارلاۋ ءبولىمىنىڭ 21 جاستاعى قىزمەتكەرى دجەك تەيشەيرا ونلاين-چاتتا دوستارىنا قۇپيا دەرەكتەردى بەردى دەگەن كۇدىككە ىلىنگەن. Fox News جانە The New York Times باسىلىمدارىنىڭ جازۋىنشا، ونى Steam ويىن سەرۆيسىندەگى ءپروفيلى ارقىلى تانىعان. بۇل تۋرالى ورتالىق ازيا جاڭالىقتار قىزمەتى جازدى.

ۇلتتىق گۆارديانىڭ جاۋىنگەرىنە ۇلتتىق قورعانىسقا قاتىسى بار قۇپيا اقپاراتتى زاڭسىز الدى دەگەن ايىپ تاعىلادى.

امەريكا باسىلىمدارى اسكەري شەنى سالىستىرمالى تۇردە تومەن جاۋىنگەردىڭ قولىنا قۇپيا قۇجاتتار قالاي تۇسكەن دەگەن سۇراققا جاۋاپ ىزدەيدى. بۇعان دەيىن The Washington Post كۇدىكتى Discord ويىنشىلارىنا ارنالعان مەسسەندجەردەگى 20-30 ادامنان قۇرالعان چاتتا قۇپيا قۇجاتتار تاراتقانىن جازعان. اقپاراتقا قاراعاندا، كۇدىكتى "چاتتاعىلار الەمدە بولىپ جاتقان وقيعالاردان كوبىرەك حاباردار بولعانىن قالايتىنىن" ايتقان.

ول اڭگىمە بارىسىندا اقش ۇكىمەتى مەن بارلاۋ ورگاندارىن سىناپ، ولاردى ء"وز ازاماتتارىن باسىپ تاستاعىسى كەلەدى" جانە "ەشتەڭەدەن حابارسىز بولعانىن قالايدى" دەپ ايىپتاعان.

اقش ادىلەت مينيسترلىگى قۇپيا اقپاراتتىڭ جاريالانۋى جونىندە قىلمىستىق تەرگەۋ باستادى.