«Qazaqtimes.kz» اقپاراتتىق، قوعامدىق-ساياسي پورتالى قوعامنىڭ ءار سالاسىنداعى تىڭ اقپارات، تانىمدىق ويلاردى قوزعاۋعا باعىتتالعان. سايتىمىز بۇگىنگى عالامداسۋ داۋىرىندەگى قازاق مۇددەسىن جاقتاۋعا، قورعاۋعا ۇلەس قوسپاق نيەتتە. سوعان وراي، قازاق بولمىسىن بەدەرلەيتىن ۇلتتىق ءداستۇر، تاريح، مادەنيەت، رۋحانياتقا دەن قويادى. ۋاقىتى وتسە دە ءمانىن جويماعان، كوزدەن كەتىپ، كوڭىلدەن كومەسكىلەنە باستاسا دا ماڭىزىن ساقتاعان تانىمدىق وي، تاعىلىمدى ءسوز، تارتىمدى وقيعالاردى جاڭعىرتۋ دا ءبىر ماقساتىمىز. قازاقتىڭ بۇگىنى مەن ەرتەڭىندە ەرەكشە ورنى بار تۇلعالارىمىزدى ۇمىت قالدىرماي، قايتا قاۋزاپ وتىرۋ دا ءبىزدىڭ مىندەت.
ءبىز بارىنشا بەيتاراپ ۇستانىمدا بولا وتىرىپ، قازاق مەملەكەتىنىڭ سان الۋان ساياساتىنا دا ءوز تاراپىمىزدان ءسوز ايتامىز. ۇكىمەتتىڭ قازاق تاعدىرىنا قاتىستى ءتۇرلى قادامدارىن دا حال-قادىرىمىزشە قاداعالاپ وتىرامىز. حالىقارالىق جايلارعا دا بەيجاي قارامايمىز. قازاق جايلى «جارق» ەتكەن جاڭالىق، جاعىمدى حابار، جاقسى پىكىردى كوپكە جاريالاۋعا دەن قويامىز. جاعىمسىز تۇستارىمىزعا دا ءجوندى كوزقاراس بىلدىرەمىز.
ەڭ باستىسى، سان ءتۇرلى اقپارات اعىنىنىڭ اراسىنان اسىلىن ەكشەپ، جاسىعىن تەكتەپ وتىرساق دەگەن تاۋداي تالابىمىز بار. سول ارقىلى ينتەرنەت كەڭىستىگىندەگى قازاق ءتىلدى كونتەنتتىڭ باي مازۇندى، بايسال ويلى، ساليحالى دا سالماقتى، ساۋاتتى دەڭگەيگە كوتەرىلۋىنە تامشىداي بولسا دا ۇلەس قوسساق دەگەن قۇلشىنىسىمىز بار. سول قۇلشىنىسىمىزدى قۋاتتى ىسكە اينالدىرۋعا، قۇرمەتتى وقىرمان سىزدەردىڭ دە ۇلكەن قولداۋلارىڭىز كەرەك! ءسىز بولىپ، ءبىز بولىپ، قازاق ءسوزىنىڭ، قازاق ويىنىڭ، قازاق مۇددەسىنىڭ بيىكتەي بەرۋىنە قىزمەت ەتەيىك!
"The Qazaq Times" اقپاراتتىق، قوعامدىق-ساياسي پورتالىنا 2018 جىلدىڭ 27 ناۋرىزىندا قر اقپارات جانە كوممۋنيكاتسيالار مينيسترلىگىنەن № 16990-يا "Qazaq Times" اقپارات اگەنتتىگى كۋالىگى بەرىلگەن.
قۇرمەتپەن: «Qazaqtimes» رەداكتسياسى.
