قاراشا ايىنىڭ 20-سى كۇنى المازبەك اتامباەۆ قىرعىزستان پرەزيدەنتى رەتىندە قورىتىندى ءباسپاسوز ءماسليحاتىن وتكىزۋدە.

بۇگىن بىشكەك قالاسىندا ورنالاسقان پرەزيدەنت رەزيدەنتسياسىندا المازبەك اتامباەۆ جۋرناليستەر سۇراقتارىنا جاۋاپ بەرۋدە. ول وندا قازاقستانمەن اراداعى قارىم-قاتىناس جايىندا: «استانامەن اراداعى جاعدايعا بايلانىستى بارلىعى شەشىلۋدە. بىراق مەن دۇرىس ىستەدىم دەپ ويلايمىن. بۇنىڭ بارلىعى بولاشاق تا ساباق بولادى. الداعى ۋاقىتتا وتەتىن پرەزيدەنت، پارلامانت سايلاۋلارىندا ەشكىم ءبىزدىڭ ىشكى ساياساتىمىزعا ارالاسپايتىن بولادى. 2010 جىلى قازاقستان ۇلتتىق قاۋىپسىزدىڭ قىزمەتىنىڭ كەڭەسشىسى پارلامەنتتە اقشا تاراتىپ جۇرگەنى ءالى ەسىمدە. وسىدان كەيىن ءبىز وعان ەل اۋماعىنا كىرۋگە تىيىم سالدىق. سول ۋاقىتتا روزا وتۋنباەۆا ماعان بارىپ كەلىسسوز جۇرگىزۋ كەرەك دەدى. بىراق مەن ەكى كۇنگە سۋدى جاۋىپ تاستادىم. وسىدان كەيىن ماسەلەنىڭ بارلىعى وزدىگىنەن شەشىلدى. مەن جاقىندا دوسىم ۆلاديمير پۋتينمەن سويلەستىم. بىزگە بۇنىڭ بارلىعى نە ءۇشىن كەرەك ەكەندىگىن ءتۇسىندىردىم. ءبىزدىڭ ەل بولعانىمىزعا 2,5 مىڭ جىل. سوڭعى التى جىلدا ءبىز ەكى رەت قورشاۋدا قالدىق. بىزگە ەلەكتر ەنەرگياسىمەن قالاي جاسادى، ءبىز دە ولارعا سولاي جاسايمىز. بۇل جەردە ايكيدوداعىداي سەنى تەبەدى، جاۋاپ رەتىندە سەندە ونى تەبەسىڭ» - دەگەن.

ەستەرىڭىزگە سالايىق، بۇعان دەيىن قىرعىزستان پرەزيدەنت اكىمشىدىگى المازبەك اتامباەۆ سوڭعى ءباسپاسوز ءماسليحاتىن قاراشا ايىنىڭ 15-ءسى كۇنى وتكىزەدى دەگەن اقپارات تاراتقان. بىراق كەيىنەن ول قاراشا ايىنىڭ 20-سى كۇنىنە شەگەرىلگەن.

“The Qazaq Times”