اركتيكانىڭ مۇزى ەرۋدە. بۇل ايماق ەندى تابيعي زەرتحانا ەمەس، گەوساياسي كۇرەس الاڭى. رەسەي، قىتاي جانە باتىس ەلدەرى اركتيكاداعى جاڭا ءداۋىردى باستادى.

رەسەي اركتيكادا اسكەري ينفراقۇرىلىمىن كۇشەيتىپ، اتومدىق مۇزجارعىشتار سانىن ارتتىرۋدا. قىتاي "اركتيكالىق جىبەك جولىن" دامىتۋدى جوسپارلاۋدا – بۇل سولتۇستىك تەڭىز جولدارىن پايدالانۋ ارقىلى لوگيستيكا مەن ترانزيتتىك جۇكتى كوبەيتەدى.
ۇلىبريتانيا اركتيكانى "جاڭا قاۋىپ ايماعى" دەپ جاريالاپ، قورعانىس ستراتەگياسىن وزگەرتۋدە.

اركتيكا – تابيعي رەسۋرستاردىڭ قويماسى. مۇندا مۇناي، گاز، سيرەك مەتالداردىڭ وراسان قورى بار. سونىمەن قاتار، اركتيكالىق باعىت ەۋروپا مەن ازيا اراسىنداعى ەڭ قىسقا تەڭىز جولى. سوندىقتان بۇل ايماق ءۇشىن كۇرەس – ەكونوميكالىق تا، اسكەري دە.

اركتيكادا "جاڭا قىرعي-قاباق سوعىسى" باستالۋى مۇمكىن. تابيعي رەسۋرستار مەن لوگيستيكا ءۇشىن باسەكە ەندى قارقىن الۋدا.

The Qazaq Times