2025 جىلى قىتاي مەن رەسەي ديپلوماتيالىق مايداندا ايرىقشا بەلسەندىلىك تانىتىپ وتىر. تيان جيڭدە وتكەن شانحاي ىنتىماقتاستىق ۇيىمىنىڭ (شوس) ءسامميتى – سونىڭ ايقىن كورىنىسى. بۇل جيىندا جاڭا گەوساياسي ۆەكتورلار قالىپتاسىپ جاتىر.

قىتاي، رەسەي جانە يران باسشىلارى ايماقتىق قاۋىپسىزدىك، ساۋدا، ەنەرگەتيكا جانە ۆاليۋتا جۇيەسىن تالقىلادى. قىتاي تاياۋ شىعىستا بەيتاراپ دەلدال رەتىندە ءوز ءرولىن ارتتىرۋدا. ساۋد ارابياسى مەن يران اراسىنداعى ديپلوماتيالىق قاتىناستاردى قالپىنا كەلتىرۋ كەزىندە دە قىتاي دەلدال بولعانى بەلگىلى.
رەسەي بولسا، سانكتسيا قىسىمىن اينالىپ ءوتۋ ءۇشىن ازيا باعىتىندا سەرىكتەستەر ىزدەۋدە. ماسكەۋ باتىستىڭ وقشاۋلاۋىنا قارسى "كونتربالانس" جاساۋدا.
قىتاي مەن رەسەيدىڭ بۇل وداعى اقش باستاعان باتىس الەمىنە بالاما گەوساياسي بلوك قالىپتاستىرىپ وتىر.

بۇل ءۇردىس – كوپپوليارلى الەمنىڭ ايقىن بەلگىسى. بىراق قىتاي مەن رەسەيدىڭ ستراتەگيالىق مۇددەلەرى تولىق سايكەس كەلە مە؟ ساراپشىلاردىڭ پىكىرى ەكىگە بولىنەدى. قىتاي – ەكونوميكالىق گەگەمونياعا ۇمتىلسا، رەسەي – اسكەري-ساياسي ءرولىن ساقتاعىسى كەلەدى. الايدا ورتاق جاۋ – باتىستىڭ سانكتسياسى – ولاردى ۋاقىتشا بىرلەستىرىپ وتىر.

قىتاي مەن رەسەيدىڭ ديپلوماتيالىق بەلسەندىلىگى الەمدىك ءتارتىپتى وزگەرتۋدە. بىراق بۇل وداقتىڭ بەرىكتىگى ۋاقىتپەن سىنالادى.

The Qazaq Times