قازاقستاندا قۇرعاقشىلىق سالدارىنان 178,8 مىڭ گەكتار ەگىس جويىلعان. سونىمەن قوسا، مينيسترلىك كۇزگى جيىن-تەرىم ىشكى-سىرتقى نارىقتى قاتار جارىلقايدى دەپ سەندىرەدى.
سارسەنبى كۇنى، 18 تامىزدا وتكەن ءداستۇرلى ۇكىمەت وتىرىسىندا اۋىل شارۋاشىلىعى سالاسىنىڭ ۋاقىتشا ءمينيسترى ەربول قاراشوكەەۆ مالىمەتىنشە، بيىل قازاقستاندا 23 ميلليون گەكتارعا ەگىس ەگىلگەن.
«13,2 ميلليون گەكتاردا نەمەسە ءداندى داقىلداردىڭ جالپى كولەمىنىڭ 85%-ىندا جاقسى جانە قاناعاتتانارلىق كۇيدە. 2,1 ميلليون گەكتاردا نەمەسە 13,7%-دا ناشار كۇيدە، 178,8 مىڭ گەكتاردا نەمەسە 1,1%-ندا ەگىستەر جويىلعان» دەدى مينيستر مىندەتىن اتقارۋشى.
قاراشوكەەۆ كليماتتىڭ وزگەرۋى سالدارىنان قازاقستان عانا ەمەس، استىق دەرجاۆالارى كانادا، اقش، رەسەي دە زيان شەگىپ وتىرعانىن العا تارتىپ، اقتاۋ ارگۋمەنتىن ءبىلدىردى. شەنەۋنىك يەك ارتا سويلەگەن سوزىندە بيىل كانادادا بيدايدىڭ جالپى ءتۇسىمى وتكەن جىلمەن سالىستىرعاند 30,6%، اقش-تا 4,4%، رەسەيدە 15%-عا ورتايادى دەگەن دەرەك كەلتىردى.
قاراشوكەەۆتىڭ بولجامىنا قاراعاندا، بيىل قازاقستاندا 15,3 ميلليون توننا ءداندى داقىل جينالادى. وعان قوسا قامبادا الدىڭعى جىلداردان قالعان 3,1 ميلليون توننا استىق بار.
شارۋانىڭ باسىنا كەلگەن ۋاقىتشا مينيستر بيىل وندىرىلەتىن استىق بارىنە، ىشكى نارىق پەن ەسپورتقا جەتەتىن بولادى دەپ ۋادە بەردى. بۇعان ۇقساس ءسوزدى بۇگىن ۇكىمەت باسشىسى اسقار مامين دە قايتالاعان.
«الدا جينالاتىن استىق كولەمى ەلدىڭ ازىق-تۇلىك قاۋىپسىزدىگىن قامتاماسىز ەتىپ قانا قويماي، قازاقستاننىڭ ەكسپورت نارىعىنداعى پوزيتسياسىن ساقتاپ تۇرۋعا دا مۇمكىندىك بەرەدى»، – دەيدى ەربول قاراشوكەەۆ.
ۇكىمەت وتىرىسىندا قاراشوكەەۆ بۇل ەكى وبلىسقا مال ازىعىنا جۇمسالعان شىعىننىڭ وتەمى رەتىندە ۇكىمەت رەزەرۆىنەن 3,8 ملرد بولىنگەنىن، تاعى 5,3 ملرد تەڭگە ءبولۋ جونىندە شەشىم قابىلدانعانىن ايتتى. مينيسترىلىك باسشىسىنىڭ سوزىنشە، بۇعان قوسىمشا رەتىندە جەرگىلىكتى بيۋدجەتتەردەن 9,1 ملرد تەڭگە بولىنگەن، وبلىس باسشىلارى قوسىمشا 4,5 ملرد تەڭگە ءبولۋ قاراستىرىپ وتىر.
بيىل قازاقستاندى 30 جىلدا بولماعان سۋ تاپشىلىعى مەن قۇرعاقشىلىق جايلاپ، كوكونىس پەن استىق باعاسى شارىقتاپ، وڭتۇستىك-باتىس وڭىرلەردە ءشوپ شىقپاي مال قىرىلدى.
قۋاڭشىلىقتان قاتتى قاتالاعان ماڭعىستاۋ جانە قىزىلوردا وبلىستارىندا جۇرت جەم-ءشوپتىڭ جوقتىعىن قولداعى مالىنان ايىرىلىپ قالدى. شىعىننىڭ دا، ارام ولگەن مال باسىنىڭ دا ەسەبى ناقتى ەمەس. رەسمي ستاتيستيكانىڭ ءوزى قايشىلىققا تولى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟