Foto: dan-news.info

Soñğı jıldarı Qazaqstandağı astıqtıñ sapası tömendep ketken. Mısalı 2011 jıldarı 1-şi jäne 3-şi sanattağı astıqtıñ kölemi 88% bolsa, 2016 jılı bwl körsetkiş 45%-ğa deyin qwldırap ketken. Al 4-5 sanattığı astıqtıñ sapası kerisinşe,  2011 jıldan bastap 2016 jılğa deyin 10%-dan 41%-ğa köterilgen. Bwl turalı ükimet otırısında Auıl şaruaşılıq vice-ministri Qayrat Aytuğanov mälimdedi. 

"Osınday nätije körsetip otırğandıqtan sapası joğarı taza twqımdardı subsidiyalau qayta qalpına keltirildi. Biılğı jılı twqımdıq üşin 7,7 mlrd teñge bölu mümkindigi tudı jäne bwl 2016 jılmen salıstırğanda 3,2 esege joğarı", - dedi birinşi vice-ministr.

Aytuğanovtıñ sözinşe, qazirgi kezde köktemgi egin jwmıstarı 85%-ğa ayaqtalğan. Köktemniñ salqın boluına baylanıstı egin keş bastaluına qaramastan jwmıs qarqını ötken jıldıñ deñgeyine jatip qalğan.

Al mineraldı tıñaytqıştardı satıp aluğa 13 mlrd teñge subsidiya bölingen jäne bwl ötken jılğa qarağanda 2 mlrd teñgege köp. Sonday-aq, subsidiyalanatın tıñaytqıştardıñ türleri 2016 jılı 86 mıñ tonna bolsa, biılğı jılı şamamen 161 mıñ tonnanı qwraydı.

Qazaqstan üşin astıq sapasınıñ tömendeui jaqsı emes. Sebebi elimizdiñ ekonomikasın mwnaydan keyin auıl şaruaşılığı önimderi jaqsarta aladı. Alayda olardıñ sapası tömen bolsa sırtqı narıqqa şığuı ekitalay. Bwl degeniñiz, basqa bäsekeles elderge eriksiz jol beremiz degen söz.

“The Qazaq Times”