فوتو: news.ivest.kz

قازاقستاننىڭ ساۋدا جەلىلەرى مەن ءىرىلى-ۇساقتى كوتەرمە ساۋدامەن اينالىسىپ جۇرگەندەردىڭ ەسەبىنە قاراعاندا كارتوپ باعاسى قىس مەزگىلىندە 250-300 تەڭگەگە دەيىن قىمباتتاۋى مۇمكىن. بۇل تۋرالى energyprom.kz ساراپتاماسىندا ايتىلعان.

اگراريلەردىڭ سوزىنشە، بيىل قازاقستاندا دا باسقا ەلدەردە دە  اۋا رايى قولايلى بولماعاندىقتان ەگىن كولەمى كوپ ەمەس. قازىرگى ۋاقىتتا وتاندىق كارتوپتاردىڭ كوتەرمە باعاسى 55 تەڭگەنى قۇرايدى. ال بۇرىندارى كۇز كەزىندە باعا 35 تەڭگەدەن اسپايتىن.

ساراپتاما اگەنتتىگىنىڭ مالىمەتىنشە، وتكەن جىلعى وتىنعا، قوسالقى بولشەكتەرگە، گەربيتسيدتەرگە، تىڭايتقىشتارعا كەتكەن شىعىنداردى ەسەپتەگەندە باعانىڭ ءوسۋى ورىندى جاعداي. سەبەبى 1 گەكتەر جەرگە كارتوپ ءوسىرۋدىڭ وزىنە 1 ملن تەڭگەگە جۋىق قارجى كەتەدى ەكەن.

وسى جىلى ورتاشا ءبىر گەكتاردان جينالاتىن ءونىم كولەمى  230 تسەنتنەردى قۇرايدى. ال كوتەرمە باعا 55 تەڭگە بولعان جاعدايدا اگراريلەردىڭ تابىسى كوپ بولمايدى. سونداي-اق، كارتوپ قويمالارعا جينالعان كەزدە ونىڭ كەمىندە 10 پايىزى جارامسىز بولادى ءارى قويما شىعىندارى تاعى بار. سوندىقتان فەرمەرلەر باعانىڭ كوتەرىلۋىنەن تابىس جوعارى بولادى دەپ ەسەپتەيدى. بولجالدى باعا شامامەن 90-130 تەڭگە بولۋى كەرەك ەكەن.

بۇدان بولەك، 2017 جىلدىڭ قىركۇيەك ايىنىڭ قورىتىندىسى بويىنشا قازاقستاندا قيار باعاسى بىردەن 20,4 پايىزعا كوتەرىلگەن. بۇل قياردى جيناۋ ماۋسىمىنىڭ اياقتالۋمەن بايلانىستى.

ال ارزانداعان كوكونىستەر مىنالار: پياز (24,8%), ءسابىز (14,9%), قىزىلشا مەن ورامجاپىراق (7,7%), قىزاناق (7,1%), سارىمساق (4,3%).

 “The Qazaq Times”