اقش-تا ميننەاپوليس قالاسىندا فەدەرالدىق اگەنتتەردىڭ ارەكەتى سالدارىنان ەكى ەل ازاماتى قازا تاپقاننان كەيىن رەسپۋبليكاشىل ساياساتكەرلەر يمميگراتسيالىق وپەراتسيالارعا سىن ايتا باستادى. الايدا ولار پرەزيدەنت Donald Trump پەن ونىڭ يمميگراتسيالىق ساياساتىن تىكەلەي سىناۋدان ازىرگە بويىن اۋلاق سالۋدا.
رەسپۋبليكاشىلدار نەگىزىنەن US Immigration and Customs Enforcement (ICE) پەن ىشكى قاۋىپسىزدىك مينيسترلىگى قۇرىلىمدارىنىڭ ارەكەتتەرىنە نازار اۋدارىپ، فەدەرالدىق كۇش قولدانۋعا قاتىستى تەكسەرۋ جۇرگىزۋدى تالاپ ەتتى. سەناتتاعى بىرقاتار وكىلدەر اگەنتتىك باسشىلارىن كونگرەسكە ەسەپ بەرۋگە شاقىردى.
سونىمەن قاتار پارتيا ترامپتىڭ قاتاڭ يمميگراتسيالىق باعىتىن جالپى قولداپ وتىر. بۇعان دەيىن رەسپۋبليكاشىلدار باقىلاۋىنداعى كونگرەسس شەكارا قاۋىپسىزدىگى مەن ىشكى باقىلاۋدى كۇشەيتۋگە ونداعان ميلليارد دوللار ءبولۋدى ماقۇلداعان.
قوعامدىق پىكىر ساۋالنامالارى امەريكالىقتاردىڭ باسىم بولىگى ICE تاكتيكاسىن شەكتەن شىققان دەپ سانايتىنىن كورسەتكەنىمەن، رەسپۋبليكاشىلدار اكىمشىلىككە قارسى اشىق پوزيتسيا ۇستانۋعا دايىن ەمەس.
وقيعادان كەيىن ترامپ ريتوريكاسىن جۇمسارتىپ، ميننەاپوليسكە اق ءۇيدىڭ ارنايى وكىلىن جىبەردى جانە جەرگىلىكتى بيلىكپەن بايلانىس ورناتتى. اق ءۇي پرەزيدەنتتىڭ قاقتىعىستى ۋشىقتىرماۋعا مۇددەلى ەكەنىن مالىمدەدى.
ميننەاپوليستەگى جاعداي الداعى ارالىق سايلاۋ قارساڭىندا رەسپۋبليكاشىلدار ءۇشىن يمميگراتسيا تاقىرىبىنداعى ەڭ كۇردەلى ساياسي سىناقتاردىڭ ءبىرى بولىپ وتىر.
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى