«قىمباتشىلىق قىسىپ بارادى»: نان-ۇن ونىمدەرىنىڭ كولەمى قىسقارىپ، باعاسى ءوستى

بيىل نان، ۇن جانە ماكرون ونىمدەرىن ءوندىرۋ 11,2%-عا قىسقارعان.

EnergyProm تالداۋ باسىلىمىنىڭ زەرتتەۋىنشە, جاڭا پىسىرىلگەن نان ءوندىرىسى 21,3%-عا، ياعني 266,6 مىڭ تونناعا دەيىن كەمىگەن. وسىعان ۇقساس ماكارون، لاپشا سياقتى ونىمدەر 17,9%-دىق كورسەتكىشتە 75,6 مىڭ تونناعا ازايعان.

ءتاتتى بالىشتەر مەن كونديتەرلىك ونىمدەر بىلتىرعى وسى كەزەڭگە قاراعاندا 17,7%-عا كەم  شىعارىلعان، العاشقى جارتىجىلدىقتا نەبارى 13,9 مىڭ توننا كولەمدە جاسالعان.

پەچەنە مەن كەپكەن نان ونىمدەرى ەلەۋسىز مولشەردە وسكەنى بايقالعان.

نان-توقاش، ماكارون ونىمدەرى مەن ۇننان جاسالعان كونديتەرلىك ونىمدەردى ءوندىرۋ كولەمى بيىلعى ءبىرىنشى جارتىجىلدىقتا ايتارلىقتاي كەمىپ، جالپى سالالىق بيۋدجەتى 111 ملرد تەڭگە كولەمىندە بولعان.

سونداي-اق، نان باعاسى ءبىر جىل ىشىندە بىردەن 5,9%-عا ءوستى. قارا بيداي نانى 9,2% قىمباتتادى. ماكارون ونىمدەرىنىڭ باعاسى 10,3%-كە كوتەرىلدى، ونىڭ ىشىندە كەسپە ونىمدەرىنىڭ باعاسى 11,6% ءوستى. نان-توقاش جانە ۇننان جاسالعان كونديتەرلىك ونىمدەر 8,2% قىمباتتاعان.

"The Qazaq Times"