2,5 ميلليارد تەڭگە قاراجاتقا 2,5 جىل تۇسىرىلگەن 2,5 ساعاتتىق جوبانىڭ ساتاەۆ ءوزى ايتقانداي تەك پرەمەرادا عانا ەمەس، كينوتەتار كورسەتىلىمدەرىندە ورىس تىلىندە بەرىلۋىنە بايلانىستى كورەرمەندەردەن «اقتالۋ ەمەس، ءمان-جايدى ءتۇسىندىرۋ» ماعىناسىندا «وكىنىشپەن» كەشىرىم سۇرايتىنىن مالىمدەدى. سونداي-اق ول ماسەلە 2-3 كۇندە شەشىلەتىنىنە ۋادە بەردى.
كەشە، قىركۇيەكتىڭ 27-ءى ساتاەۆ الدەبىر رەيتينگ ۇيىمىنىڭ دەرەگى بويىنشا تۋىندىسىنىڭ «كورسەتىلىم سەانستار سانى 800-گە» رەكودتىق كورسەتكىشپەن جەتكەنىن قۋانا ءبولىسىپ ەدى. دەمەك، 27-ءسى 800 سەانس تەك ورىس تىلىندە بەرىلگەن. ال ticketon.kz سايتىندا بۇگىنگە جوسپارلانعان 200-گە تارتا سەناستىڭ تۇگەلدەرلىگى تەك ورىس تىلىندە دەپ بەلگىلەنگەن.
اقان ساتاەۆتىڭ ء"سۇيىنشى" جازباسى. فوتو: akansatayev ينستاگرام جەلىسىنەن سكرينشوت قيىندى
26 قىركۇيەك وتكەن «توميريس» تاريحي كارتيناسىنىڭ الماتىلىق تۇساۋكەسەر بريفينگىندە رەجيسسەر اقان ساتاەۆ «بىزدە قازاقشا نۇسقاسى تولىعىمەن بار. بىراق پروديۋسەرلەردىڭ، «قازاقفيلمنىڭ» شەشىمى بويىنشا پرەمەرانى ورىس تىلىندە، قازاقشا سۋبتيترمەن كورسەتەمىز دەگەن شەشىم قابىلداندى. قازاقستاندا 116 ۇلت بار، سونىڭ ءبارىن ويلاستىرىپ وسىنداي شەشىمگە كەلدىك» دەگەن ەدى. ءسوزىن 116 ۇلتتىڭ سانىمەن ساباقتاعان رەجيسسەر 26-سى «ول ورتاق شەشىم بولدى. كينوتەاتردا ەرتەڭنەن باستاپ قازاقشا نۇسقاسى بار تولىعىمەن، قازاقشا كورگىڭىز كەلسە قازاقشاسى بار» دەدى سول كۇنى ءتىلشىنىڭ ساۋالىنا.
قازاق ءتىلىنىڭ كينو كەرەگەسىندەگى سۇيرەلەڭدەگەن ءحالى ءسوز بولعان پرەمەرا الدىنداعى باسقوسۋدا «وسى سۇراققا «قازاقفيلم» اتىنان مەن جاۋاپ بەرەيىن» دەپ ميكروفوندى قولىنا العان «قازاقفيلمنىڭ» ءباسپاسوز حاتشىسى باۋىرجان ۇسەنوۆ:
– «جاۋ جۇرەك مىڭ بالا» شىققان كەزدە دە تەك قانا ورىسشاسى شىققان بولاتىن. باق وكىلدەرىنەن ۇسىنىس تۇسكەننەن كەيىن كينوتەترلار مەملەكەتتىك تىلدە كورسەتكەن تۇعىن. سوندىقتان دا سىزدەردىڭ ارقالارىڭىزدا بۇل شەشىلىپ جاتادى»، – دەپ سالدى.
«قازاقفيلمنىڭ» ءباسپاسوز حاتشىسى باۋىرجان ۇسەنوۆ. فوتو: ۇلت.كز
سوندا قازاق تاريحىنا قاتىستى فيلم تەك قازاقتىلدى ازاماتتىق قوعام مەن باق-تىڭ تالاپ-كۇشىمەن عانا مەملەكەتتىك تىلدە بەرىلە مە دەگەن ساۋالىمىزعا «قازاقفيلم» ءباسپاسوز حاتشىسى «ويتكەنى مەن تاعى دا ايتايىن بىزدە پروكات جۇيەسى جەكەمەنشىك قولىندا» دەپ جاۋاپ بەرگەن-تۇعىن.
قوعام بەلسەندىلەرى مەن الەۋمەتتىك جەلىدەگى ازاماتتار نارازىلىعىنان سوڭ بۇگىن فيلم رەجيسسەرى اقان ساتاەۆ «توميريس» تۋىندىسىنىڭ كينوتەاترلاردا قازاقشا كورسەتىلمەي جاتقانىنا كەشىرىم سۇراپ، «الداعى ەكى-ءۇش كۇندە» فيلم قازاق تىلىندە كينوتەاترلارعا شىعادى دەدى. ول كارتينانىڭ قازاق تىلىندە شىقپاۋىن لاتىن الىپبيىندەگى تيتر ماتىنىندە قاتە بولۋىمەن تۇسىندىرۋگە تىرىستى.
ەستەرىڭىزگە سالا كەتسەك، پرەمەرادان بەرى «ءبىزدىڭ كونە تاريحىمىزدى كىم ءۇشىن تۇسىردىڭىزدەر؟ بۇل ماسقارا عوي! ءبىر دە ءبىر سەانس قازاقشا جوق، ءبارى ورىسشا!» دەپ اشىنعان كەيبىر بەلسەندىلەر، سولاردىڭ ءبىرى ايدوس جۇقانۇلى فيلمگە بارماۋعا جانە بويكوت جاريالاۋعا ۇندەگەن ەدى. قازاقستاندا قازاق حالقىنا تىكەلەي قاتىستى فيلمدەردىڭ قازاقشا بەرىلمەۋى ءبىرىنشى رەت ەمەس، ءار پرەمەرادا ءتىل ماسەلەسىنىڭ شۋعا ۇلاسۋى ادەتكە اينالعان.
كينورەجيسسەر اقان ساتاەۆتىڭ "كەشىرىم سۇراعان" پوستى. فوتو: akansatayev ينستاگرام جەلىسىنەن سكرينشوت
ءماتىن ۇلگىسى:
قۇرمەتتى كورەرمەن! كۇنى كەشە #توميريسفيلم بارلىق كينوتەاترلاردان كورسەتىلە باستادى.
كورەرمەندەر مەن جۋناليستتەردىڭ قويىلعان باستى سۇراقتارى - ءفيلمنىڭ قازاشا دىبىستالعان نۇسقاسى بار ما؟ سوزسىز，تولىعىمەن قازاق تىلىندە دىبىستالعان نۇسقاسى بار. قازاق ەلى بولعاندىقتان دا، الدىمەن قازاقشا نۇسقاسىن دىبىستاعان ەدىك!
ەلىمىزدىڭ لاتىن الىپبيىنە كوشۋى ۇلت ءۇشىن جاسالعان ماڭىزدى قادام. ءفيلمنىڭ سوڭىندا جازىلاتىن تيترلەر ء(تۇسىرۋ توبى مەن اكتەرلىق توپتىڭ اتى-جوندەرى جازىلاتىن ءبولىم) لاتىن الىپبيىنە اۋدارىلۋ بارىسىندا كوپتەگەن گرامماتيكالىق قاتەلەردىڭ انىقتالۋى جانە توپ مۇشەلەرى مەن اكتەرلاردىڭ اتى-جوندەرى قۇجاتتارعا سايكەس كەلمەۋىنە بايلانىستى كەشىكتىرىلىپ جاتىر. قۇقىقتىق تۇرعىدان ءبىز مۇنداي قاتەلەرمەن كورسەتىلىمگە جىبەرە المايمىز. شۇعىل تۇردە اتالمىش ماسەلەنى شەشۋ ۇستىندەمىز.
بۇنى اقتالۋ ەمەس، سىزدەرگە ءمان-جايدى ءتۇسىندىرۋ دەپ قابىلدايتىندارىڭىزعا ۇمىتتەنەمىز. ءفيلمنىڭ قازاقشا نۇسقاسى ۋاقىتىلى دايىن بولماعانىنا، كورسەتىلىمگە كەشىگىپ شىعۋىنا وكىنىشپەن الدارىڭىزدا كەشىرىم سۇرايمىز. ەكى-ءۇش كۇندە بۇل ماسەلە شەشۋىن تاۋىپ، كينومىزدى انا تىلىمىزدە ەلىمىزدىڭ بارلىق كينوتەاترلارىندا كورە الاتىندارىڭىزعا سەنىم بىلدىرەمىز. ⠀ ⠀ ⠀ ⠀ ⠀ ⠀
#tomirisfilm #توميريسفيلم#جاندانۋ #qazaqfilm #sataifilm#پوددەرجيمكزكينو
"توميريس" تاريحي ءفيلمىنىڭ پوستەرى. 2019 جىل. فوتو: sataifilm.kz
"توميريس" ءفيلمنىڭ تۇساۋكەسەر بريفينگى. 26 قىركۇيەك، 2019 جىل. الماتى ق. فوتو: QT
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى