«قازاق حاندىعى. التىن تاق» فيلمىنەن. فوتو: اشىق دەرەككوز

بىلتىر قازاقستان رەجيسسەرلەرى تۇسىرگەن مەن كينەماتوگرافشىلارىنىڭ قاتىسۋىمەن 40-تان استام فيلم پروكاتقا شىعىپتى. ادەتتەگىدەي كومەديا مەن رومانتيكالىق مەلودرامانىڭ ۇلەسى كوپ دەگەنىمىزبەن، تاريحي جانە بايوپيك كينوعا كوبىرەك كوڭىل بولىنە باستاپتى.

بۇل سوزىمىزگە بىلتىر شىققان «قازاق حاندىعى. التىن تاق»، «بالۋان شولاق«، «كومپوزيتور»، «توميريس»، «بەكزات»، «قازبات» سياقتى كارتينالار دالەل.

بوكس-وفيس تۋرالى ايتساق، ءوسۋ ديناميكاسى انىق بايقالادى. بيىل العاش رەت ميللياردتىق مەجە باعىندىرىلدى. نۇرلان قويانباەۆتىڭ «قازاقشا بيزنەس كورەيادا» كومەدياسى وتاندىق فيلمدەر اراسىندا العاش بولىپ ميللياردەر اتاندى.

2019 جىلى پروكاتتا ەڭ كوپ تابىس تاپقان 10 وتاندىق فيلم:

  1. قازاقشا بيزنەس كورەيادا(بيزنەس پو-كازاحسكي ۆ كورەە) – ₸1 ملرد 107 ملن
  2. اكىم (اكيم) –  ₸577 ملن
  3. توميريس – ₸588 ملن
  4. وففلاين كانيكۋل/ (كانيكۋلى off-line) – ₸455 ملن
  5. برات يلي براك 2 – ₸377 ملن
  6. كراساۆچيكي دو ناشەي ەرى – ₸287 ملن
  7. Off-line كانيكۋل 2 (كانيكۋلى off-line 2) – ₸250 ملن
  8. انامدى ىزدەيمىن 2: جاڭا وقيعالار (ۆ پويسكاح مامى 2: نوۆىە پريكليۋچەنيا) – ₸166 ملن
  9. اتاشكا نا حايپە – ₸164 ملن
  10. كەلىن دە ادام بالاسى 2 (كەلينكا توجە چەلوۆەك 2) – ₸156 ملن

2018 جىلمەن سالىستىرعاندا كاسسالىق ءتۇسىمنىڭ وسكەنىن بايقايمىز. 2018 جىلى ۇزدىك ۇشتىكتىڭ تابىسى 195 ملن – 573 ملن تەڭگە ارالىعىندا ەدى. ال 2019 جىلى ءۇشىنشى ورىنداعى «ءتوميريستىڭ» تابىسى 2018 جىلدىڭ ءبىرىنشى ورىنداعى فيلمنەن الدەقايداكوپ («قازاقشا بيزنەس افريكادا»).

ال قازاقستاندىق كينوجوبالاردىڭ رەنتابەلدىك دارەجەسى تۋرالى ەشتەڭە ايتا المايمىز. ويتكەنى شىققان فيلمدەردىڭ باسىم بولىگىنىڭ بيۋدجەتى بەلگىسىز كۇيىندە قالدى.

ەندى قازاقستان كينونارىعىنداعى شەتەلدىك فيلمدەر تۋرالى ءسوز ەتسەك. بۇل سالادا دا ديناميكانىڭ وسكەنى بايقالادى. ميللياردەر اتانعان جوبالار بار. مىسالى، 2018 جىلى ونداي كورسەتكىش تىركەلگەن جوق (ەڭ كاسسالى «كەك الۋشىلار: شەكسىزدىك سوعىسى» – 832 ملن ₸).

2019 جىلى قازاقستان پروكاتىندا ەڭ كوپ تابىس تاپقان 10 شەتەلدىك فيلم:

  1. كەك الۋشىلار: ويىن سوڭى – ₸1 ملرد 272 ملن
  2. ارىستان پاتشا – ₸1 ملرد 196 ملن
  3. الدەكىم: ەكىنشى تاراۋ – ₸881 ملن
  4. مالەفيسەنتا: تۇنەك ءامىرشىسى – ₸837 ملن
  5. مۇزدى ولكە 2 – ₸776 ملن
  6. دجۋماندجي: كەلەسى كەزەڭ – ₸760 ملن
  7. ءۇي جانۋارلارىنىڭ قۇپيا ءومىرى 2 – ₸610 ملن
  8. كاپيتان مارۆەل – ₸597 ملن
  9. الاددين – ₸591 ملن
  10. فورساج ۇسىنادى: حوببس پەن شوۋ – ₸571 ملن

2019 جىلدىڭ باستى جاڭالىقتارىنىڭ ءبىرى – «كينەماتوگرافيا تۋرالى» زاڭعا ەنگەن وزگەرىس ەدى. جاڭا نورماعا سايكەس ەندى پروكاتقا شىعاتىن وزگە ءتىلدى فيلمدەردىڭ بارلىعى قازاقشاعا اۋدارىلۋى كەرەك. ول دۋبلياج، كادر سىرتىنداعى دىبىستاۋ نەمەسە سۋبتيتر بولۋى مۇمكىن. بىلتىردان باستاپ فيلمدەردىڭ بارلىعى دەرلىك ۇلكەن ەكراندا قازاقشا سۋبتيترمەن بەرىلىپ ءجۇر.

دەگەنمەن «بولاشاق» قاۋىمداستىعىنىڭ بۇرىننان كەلە جاتقان باستاماسى دا جالعاسىن تاپتى. وسى ۇيىمنىڭ ۇيىتقى بولۋىمەن گولليۆۋدتىڭ 6 كارتيناسى ساپالى قازاقشا دۋبلياجبەن جارىق كوردى:

  1. دامبو / Dumbo – 28 ناۋرىز
  2. الاددين / Aladdin – 23 مامىر
  3. ويىنشىقتار حيكاياسى 4 / يستوريا يگرۋشەك 4 / Toy Story 4 – 20 ماۋسىم
  4. ارىستان پاتشا / كورول لەۆ / The Lion King – 18 شىلدە
  5. مالەفيسەنتا: تۇنەك ءامىرشىسى / مالەفيسەنتا: ۆلادىچيتسا تمى / Maleficent: Mistress of Evil – 17 قازان
  6. مۇزدى ولكە 2 / حولودنوە سەردتسە 2 / Frozen II – 28 قاراشا

*كاسسالىق ءتۇسىم تۋرالى دەرەكتەر تيكەتون سەرۆيسىنىڭ سايتىنان الىندى

"kinostan.kz"