2,5 milliard teñge qarajatqa 2,5 jıl tüsirilgen 2,5 sağattıq jobanıñ Sataev özi aytqanday tek prem'erada ğana emes, kinotetar körsetilimderinde orıs tilinde beriluine baylanıstı körermenderden «aqtalu emes, män-jaydı tüsindiru» mağınasında «ökinişpen» keşirim swraytının mälimdedi. Sonday-aq  ol mäsele 2-3 künde şeşiletinine uäde berdi

Keşe, qırküyektiñ 27-i  Sataev äldebir reyting wyımınıñ deregi boyınşa tuındısınıñ «körsetilim seanstar sanı 800-ge» rekodtıq körsetkişpen jetkenin quana bölisip edi. Demek, 27-si 800 seans tek orıs tilinde berilgen. Al ticketon.kz saytında büginge josparlanğan 200-ge tarta senastıñ tügelderligi tek orıs tilinde dep belgilengen.

Aqan Sataevtıñ "süyinşi" jazbası. Foto: akansatayev instagram jelisinen skrinşot qiındı

26 qırküyek ötken  «Tomiris» tarihi kartinasınıñ almatılıq twsaukeser brifinginde rejisser Aqan Sataev «Bizde qazaqşa nwsqası tolığımen bar. Biraq prodyuserlerdiñ, «Qazaqfil'mniñ» şeşimi boyınşa prem'eranı orıs tilinde, qazaqşa subtitrmen körsetemiz degen şeşim qabıldandı. Qazaqstanda 116 wlt bar, sonıñ bärin oylastırıp osınday şeşimge keldik» degen edi. Sözin 116 wlttıñ sanımen sabaqtağan rejisser 26-sı «ol ortaq şeşim boldı. Kinoteatrda erteñnen bastap qazaqşa nwsqası bar tolığımen, qazaqşa körgiñiz kelse qazaqşası bar» dedi sol küni tilşiniñ saualına.

Qazaq tiliniñ kino keregesindegi süyreleñdegen häli söz bolğan prem'era aldındağı basqosuda «Osı swraqqa «Qazaqfil'm» atınan men jauap bereyin» dep mikrofondı qolına alğan «Qazaqfil'mniñ» baspasöz hatşısı Bauırjan Üsenov:

– «Jau jürek mıñ bala» şıqqan kezde de tek qana orısşası şıqqan bolatın. BAQ ökilderinen wsınıs tüskennen keyin kinotetrlar memlekettik tilde körsetken twğın. Sondıqtan da sizderdiñ arqalarıñızda bwl şeşilip jatadı», – dep saldı.

«Qazaqfil'mniñ» baspasöz hatşısı Bauırjan Üsenov. Foto: Wlt.kz

Sonda qazaq tarihına qatıstı fil'm tek qazaqtildi azamattıq qoğam men BAQ-tıñ talap-küşimen ğana memlekettik tilde berile me degen saualımızğa «Qazaqfil'm» baspasöz hatşısı «Öytkeni men tağı da aytayın bizde prokat jüyesi jekemenşik qolında» dep jauap bergen-twğın.

Qoğam belsendileri men äleumettik jelidegi azamattar  narazılığınan soñ bügin fil'm rejisseri Aqan Sataev «Tomiris» tuındısınıñ kinoteatrlarda qazaqşa körsetilmey jatqanına keşirim swrap, «aldağı eki-üş künde» fil'm qazaq tilinde kinoteatrlarğa şığadı dedi. Ol kartinanıñ qazaq tilinde şıqpauın latın älipbiindegi titr mätininde qate boluımen  tüsindiruge tırıstı.

Esteriñizge sala ketsek, prem'eradan beri «Bizdiñ köne tarihımızdı kim üşin tüsirdiñizder? Bwl masqara ğoy! Bir de bir seans qazaqşa joq, bäri orısşa!» dep aşınğan keybir belsendiler, solardıñ biri Aydos Jwqanwlı fil'mge barmauğa jäne boykot jariyalauğa ündegen edi. Qazaqstanda qazaq halqına tikeley qatıstı fil'mderdiñ qazaqşa berilmeui birinşi ret emes, är prem'erada til mäselesiniñ şuğa wlasuı ädetke aynalğan.

Kinorejisser Aqan Sataevtıñ "keşirim swrağan" postı. Foto: akansatayev instagram jelisinen skrinşot

Mätin ülgisi: 

Qwrmetti körermen! Küni keşe #tomirisfil'm barlıq kinoteatrlardan körsetile bastadı.
Körermender men junalistterdiñ qoyılğan bastı swraqtarı - fil'mniñ qazaşa dıbıstalğan nwsqası bar ma? Sözsiz,tolığımen qazaq tilinde dıbıstalğan nwsqası bar. Qazaq eli bolğandıqtan da, aldımen qazaqşa nwsqasın dıbıstağan edik!
Elimizdiñ latın älipbiine köşui wlt üşin jasalğan mañızdı qadam. Fil'mniñ soñında jazılatın titrler (tüsiru tobı men akterlıq toptıñ atı-jönderi jazılatın bölim) latın älipbiine audarılu barısında köptegen grammatikalıq qatelerdiñ anıqtaluı jäne top müşeleri men akterlardıñ atı-jönderi qwjattarğa säykes kelmeuine baylanıstı keşiktirilip jatır. Qwqıqtıq twrğıdan biz mwnday qatelermen körsetilimge jibere almaymız. Şwğıl türde atalmış mäseleni şeşu üstindemiz.
Bwnı aqtalu emes, sizderge män-jaydı tüsindiru dep qabıldaytındarıñızğa ümittenemiz. Fil'mniñ qazaqşa nwsqası uaqıtılı dayın bolmağanına, körsetilimge keşigip şığuına ökinişpen aldarıñızda keşirim swraymız. Eki-üş künde bwl mäsele şeşuin tauıp, kinomızdı ana tilimizde elimizdiñ barlıq kinoteatrlarında köre alatındarıñızğa senim bildiremiz. ⠀ ⠀ ⠀ ⠀ ⠀ ⠀
#tomirisfilm #tomirisfil'm#jandanu #qazaqfilm #sataifilm#podderjimKZkino

"Tomiris" tarihi fil'miniñ posteri. 2019 jıl. Foto: sataifilm.kz

"Tomiris" fil'mniñ twsaukeser brifingi. 26 qırküyek, 2019 jıl. Almatı q. Foto: QT

"The Qazaq Times"