نازارباەۆتىڭ مالىمدەمەسىنەن كەيىن ۇكىمەت وتىرىسى قازاق تىلىندە ءوتتى.

اقپان ايىنىڭ 27-ءى كۇنى وتكەن ۇكىمەت وتىرىسىندا پرەمەر-مينيستردەن باستاپ، قاتارداعى مينيسترلەرگە دەيىن قازاق تىلىندە بايانداما جاساپ «ايدى اسپانعا» شىعاردى. پرەمەر باقىتجان ساعىنتاەۆ قازاق تىلىندە باستاعان ۇكىمەت وتىرىسىن ينۆەستيتسيا جانە دامۋ ءمينيسترى جەڭىس قاسىمبەك پەن «كومىر مەن بەنزيننەن تارشىلىق كورمەيتىن» ەنەرگەتيكا ءمينيسترى قانات بوزىمباەۆ جالعاستىردى. بىراق ولاردىڭ بۇل «ەرلىگىن» اقمولا وبلىسىنىڭ اكىمى مالىك مىرزالين مەن ءبىلىم جانە عىلىم ءمينيسترى ەرلان ساعاديەۆ جالعاستىرا المادى. ولار باياندامالارىن قازاق تىلىندە باستاپ، ورىس تىلىندە  اياقتادى.

ۇكىمەتتە بولىپ جاتقان وزگەرىستەرگە قاراپ "مينيسترلەر مەن اكىمدەردىڭ ءبىر كۇندە قازاق تىلىندە سايراپ كەتۋىنىڭ سىرى نە دە؟" - دەپ ويلاۋى مۇمكىن كوپشىلىك جۇرت. ونىڭ سىرى نۇرسۇلتان نازارباەۆتىڭ مالىمدەمەسىندە جاتىر. وسىدان ءبىر كۇن بۇرىن اقپارات جانە كوممۋنيكاتسيا ءمينيسترى دارەن اباەۆپەن كەزدەسۋىندە نۇرسۇلتان نازارباەۆ: «ۇىكمەت پەن پارلامەنت قىزمەتى تەك مەملەكەتتىك تىلدە جۇرگىزىلۋى ءتيىس» - دەپ مالىمدەگەن.

“The Qazaq Times”