ءار مينۋت، ءار ساعات، ءار كۇن سايىن ەلىمىزدە، الەمدە حالىقتى ەلەڭ ەتكىزەر ماڭىزدى جاڭالىقتار بولادى. ال ونىڭ ءبىرى كوزگە ىلىنسە، ەندى ءبىرى نازاردان تىس قالىپ جاتادى. ەندەشە The Qazaq Times وقىرماندارى ءۇشىن 25-30 قىركۇيەك ارالىعىندا بولعان ەڭ ماڭىزدى ەكونوميكا جاڭالىقتارىنا شولۋ جاسايدى.
قازاقستاندا كوممۋنالدىق قىزمەت اقىسى قىمباتتايتىن بولدى
قر ۇلتتىق ەكونوميكا ۆيتسە-ءمينيسترى سەرىك جۇمانعارين 2018 جىلدان باستاپ كوممۋنالدىق قىزمەت تاريفتەرى جوسپارلى تۇردە قىمباتتايتىنىن مالىمدەدى.
"جاڭا جىلدان باستاپ ءبىز ۇزاق مەرزىمدى جوسپار بويىنشا تاريفتەردى كوتەرە باستايمىز. بىراق كوپ ەمەس، باعانى كوتەرۋ 10 پايىزدان اسپايدى", - دەدى ول ەنەرگەتيكانى باقىلاۋ جانە ينۆەستيتسيا جونىندەگى كونفەرەنتسيادا. ايتا كەتەيىك، قىركۇيەك ايىنىڭ باسىندا پرەزيدەنت نۇرسۇلتان نازارباەۆ ينۆەستورلاردى تارتۋ ماقساتىندا تۇرعىن ءۇي-كوممۋنالدىق شارۋاشىعىنا قاتىستى زاڭدى جەتىلدىرۋ كەرەكتىگى تۋرالى ۇكىمەتكە تاپسىرما بەرىپ: ء"بىز جىلۋ مەن سۋ تاريفتەرىن كوتەرمەسەك، ينۆەستورلار كەلمەيدى. ويتكەنى ءاربىر كەلگەن ينۆەستور "مەن ستانتسيا سالايىن، بىراق ەلەكتر ەنەرگياسىن قانشاعا ساتا الامىن؟" دەپ سۇرايدى. ودان قورقۋدىڭ (تاريفتەردى قىمباتتاتۋ - رەد.) قاجەتى جوق", - دەگەن ەدى.
قازاقستان بيداي ەكسپورتىن ازايتتى
2017 جىلدىڭ قاڭتار-شىلدە ايىندا قازاقستان 353,2 ملن دوللارعا 2,2 ملن توننا بيداي ەكسپورتتاعان. بۇل كورسەتكىش 2016 جىلدىڭ سايكەس كەزەڭىمەن سالىستىرعاندا توننا بويىنشا 13,1%-عا، اقشالاي تۇردە 12,9%-عا تومەندەگەن. بيداي مەن مەسليندەردىڭ ەڭ كوپ مولشەرى وزبەكستانعا (102,4 ملن دوللارعا 870,7 مىڭ توننا), تاجىكستانعا (86 ملن دوللارعا 529,8 مىڭ توننا) جەتكىزىلگەن. ال قىتايعا 37,6 ملن دوللارعا 207,3 مىڭ توننا، اۋعانستانعا 23,6 ملن دوللارعا 145,6 مىڭ توننا، قىرعىزستانعا 22,2 ملن تەڭگەگە 126,1 مىڭ توننا ءونىم ساتىلعان.
شىمكەنت اكىمدىگى جەس قارىزىن جابۋ ءۇشىن مەملەكەتتىك اكتسيالارىن ساتتى
شىمكەنت اكىمدىگى "3-ەنەرگوورتالىق" اق-عا مەملەكەتتىك اكتسيالارىنىڭ 18 پايىزىن ساتتى. شىمكەنت اكىمىنىڭ ورىنباسارى بەيسەنبەك جانبوسىنوۆتىڭ ايتۋىنشا، قالا اكىمدىگى قارىز كوپ بولعاندىقتان وسىنداي قادامعا بارعان. ويتكەنى حالىققا جىلۋ جەتكىزەتىن جانە جىلۋ تولەمىن جيناۋمەن اينالىساتىن "قۋات جىلۋ ورتالىق-33" اتتى كوممۋنالدىق كاسىپورنى جىلۋ ەلەكتر ستانتسياسى-3-كە 1,5 ملرد تەڭگە قارىز بولعان.
"ماسەلە مەملەكەتتىك اكتسيالاردى ساتۋ بويىنشا شەشىلدى. اكتسيالاردىڭ 18%-ى "ز-ەنەرگوورتالىق" اق باقىلاۋ پاكەتىنە يە ينۆەستورعا 1,8 ملرد تەڭگەگە ساتىلدى (ينۆەستور ۇلەسى - 76%). بۇدان بۇرىن جەس اكتسيالارىنداعى مەملەكەتتىك مەنشىك 24%-دى قۇراعان", - دەدى بەيسەنبەك جانبوسىنوۆ.
دانيار اقىشەۆ شەتەل ۆاليۋتاسىن ساتىپ العاندار ۇتىلاتىنىن ايتتى
قر ۇلتتىق بانك توراعاسى دانيار اقىشەۆ ۇكىمەت وتىرىسىندا ۆاليۋتا باعامىنىڭ بىردەن قۇبىلىپ كەتۋىنە ەش نەگىز جوق ەكەنىن ايتىپ، شەتەل ۆاليۋتاسىن ساتىپ الىپ جاتقاندار ۇتىلىپ قالاتسھىنىن ايتتى.
ء"بىز ەلدىگى، ساۋدا سەرىكتەستەرىندەگى جاعداي قالىپتى ەكەنىن بايقاپ وتىرمىز. ءتىپتى ايىرباستاۋ باعامدارى دا تۇراقتى. سوندىقتان الاڭداۋدىڭ ەش قاجەتى جوق. مەن وسى نارىقتا پايدا تابۋعا تىرىسىپ جاتقان ازاماتتار مەن كاسىپكەلەر ءۇشىن تاعى قايتالاپ ايتقىم كەلەدى: ءبىز بۇعان دەيىن دە ۆاليۋتا كۋرسى وزگەرگەن كەزدە بىردەن ايىرباستاۋ پۋنكتەرىنە بارىپ، ورتادا پايدا تاۋىپ قالۋعا تىرىسۋدىڭ ەش ءمانى جوق ەكەنىن بىرنەشە مارتە مالىمدەگەنبىز. ءتىپتى ۇتىلىپ قالۋىڭىز دا مۇمكىن. سەبەبى ايىرباس باعامى، ماكروەكونوميكالىق جاعداي جاقسى. ءتىپتى ول نىعايۋى (تەڭگە - رەد.) مۇمكىن. سوندىقتان ۆاليۋتا ساتىپ العان كەيبىر ادامدار ۇتىلىپ قالادى", - دەدى اقىشەۆ.
دەپۋتات ازات پەرۋاشەۆ: قوعام وفشوردان قانشا جارجى قايتارىلعانى تۋرالى ءبىلۋ كەرەك
ءماجىلىس دەپۋتاتى ازات پەرۋاشەۆ قوعام قاراجاتتى زاڭداستىرۋ كەزىندە قانشا قارجى وفشوردان قايتارىلعانىن جانە ونىڭ قانشا سوماسى جينالعانىن ءبىلۋى كەرەك دەپ ەسەپتەيدى. ول وسىعان قاتىستى مالىمەتتەردى جاريالاۋدى تالاپ ەتتى.
وسىلايشا "اق جول" فراكتسياسىنىڭ كوشباسشىسى قر پرەمەر-ءمينيسترى باقىتجان ساعىنتاەۆ پەن قر باس پروكۋرورى جاقىپ اسانوۆقا وسىنداي دەپۋتاتتىق ساۋال جولدادى.
"قوعام زاڭداستىرۋعا قاتىستى ناقتى اقپاراتتى ءبىلۋى ءتيىس دەپ ەسەپتەيمىز. وسىعان بايلانىستى بىزگە وفشورلى ايماقتان قازاقستان ەكونوميكاسىنا قانشا اقشا قايتارىلعانى تۋرالى جانە قۇقىق قورعاۋ ورگاندارىنىڭ ارەكەتى ناتيجەسىندە جينالعان قاراجات جونىندە اقپارات بەرۋلەرىڭىزدى سۇرايمىز. بۇدان بولەك، قازاقستاننان قاراجات الىپ شىعۋعا قانشا رەت ارەكەت جاسالعان؟", - دەدى دەپۋتات.
قازاقستان باسەكەگە قابىلەتتى ەلدەر رەيتينگىندە تومەندەپ كەتتى
قازاقستان دۇنيە جۇزىلىك ەكونوميكالىق فورۋمنىڭ (دەف) جاھاندىق باسەكەگە قابىلەتتىلىك يندەكسى تۋرالى رەيتينگىندە 57-ءشى ورىنعا يە بولىپ،ءتورت ساتىعا تومەن ءتۇستى. تىزىمدە 137 ەلدىڭ اتى كورسەتىلگەن. بۇل تۋرالى ۇيىمنىڭ بايانداماسىندا ايتىلدى. قازاقستاننىڭ ءتۇرلى كورسەتكىشتەر بويىنشا ورتاشا بالى 4,35 (2016 جىلى 4,41 بالمەن 53 ورىندا بولعان) بولدى. قازاقستانمەن قاتارلاس تۇرعان ەلدەر فيليپپين (56-ورىن) مەن رۋاندا ەلى (58-ورىندا). ازەربايجان رەيتينگ بويىنشا 35-ءشى ورىندا، ال رەسەيدىڭ كورسەتكىشى ءۇش ساتىعا تومەندەپ، 38-ءشى ورىندا تۇر.
قىرعىزستان قازاقستان كومىرىن ساتىپپ العىسى كەلمەيدى
بيىل قىرعىزستان بيلىگى قازاقستان كومىرىنەن سوڭعى 450 مىڭ توننانى ساتىپ الىپ، كەلەسى جىلدان باستاپ يمپورتتى تولىق توقتاتۋدى جوسپارلاپ وتىر. بۇل تۋرالى اتالعان ەلدىڭ ۇلتتىق ەنەرگەتيكا حولدينگىنىڭ باسشىسى ايبەك قاليەۆ ۇكىمەت وتىرىسىندا مالىمدەدى.
قىرعىزستان قازاقستان كومىرىن ساتىپ العىسى كەلمەيدى
قىرعىزستان مينيسترلەر كابينەتىنىڭ باسشىسى ساپار يسكاكوۆ جينالىس كەزىندە "مەملەكەت نەلىكتەن قازاقستاننان ءالى دە كومىر ساتىپ الىپ وتىرعانىن جانە بىشكەك جىلۋ ەلەكتر ستانتسياسى جەرگىلىكتى كومىردى قاشان پايدالانا باستايتىنىن" سۇراعان. بۇعان ۇلتتىق ەنەرگەتيكا حولدينگىنىڭ باسشىسى جىل سايىن قازاقستاندىق كومىردى ساتىپ الۋ قىسقارىپ كەلە جاتقانىن ايتقان. ونىڭ سوزىنشە، بيىل يمپورتتالعان كومىر كولەمى ەكى ەسەگە، 400 مىڭ تونناعا دەيىن ازايعان (بىلتىرعى كورسەتكىش 700 مىڭ توننا بولعان).
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى