رەسەي اسكەرى شەگىنىپ شىققان ۋكراينانىڭ بۋچا قالاسىنداعى اسكەري قىلىس ايىپتارىنان كەيىن ەۋروپا وداعى رەسەيگە قارسى سانكتسيالارىن تاعى دا كۇشەيتتى. بۇل ەۋروپانىڭ رەسەيگە سالعان بەسىنشى سانكتسيا پاكەتىنە تۋرا كەلدى.
بەسىنشى سانكتسيا پاكەتى دايىندالىپ جاتقان تۇستا بۋچا ماسەلەسى كوتەرىلىپ، وتكەن اپتا سوڭىندا دايىن بولىپ قالعان سانكتسيا جوباسى ۋاقىتشا كەرى شەگەرىلگەن ەدى. كەشە، 6 ءساۋىر سەيسەنبىدە ەۋروپا وداعى كەزەكتى سانكتسيا پاكەتىن بارىنشا كۇشەيتەتىنىن مالىمدەدى.
وداقتىڭ بارلىق مۇشەلەرى (27 مەملەكەت) تولىق قولداعان جاعدايدا ەۋروپانىڭ جويقىن سانكتسياسى رەسەيگە قارسى ىسكە قوسىلادى. بىراق بۇل جولى دا رەسەي ەكونوميكاسى ءۇشىن ەڭ ماڭىزدى سالالار مۇناي-گاز ءوندىرىسى مەن ەكسپورتىنا سانكتسيا سالىنعان جوق. بىراق، بۇل جولى رەسەيدىڭ كومىر ەكسپورتىنا اۋىر سانكتسيا سوققىسى ءتيدى، بۇل كەزەكتى سانكتسياداعى رەسەي ەكونوميكاسىنا تەرەڭ اسەر ەتەتىن ءبىر تارماق.
قاتاڭ سانكتسيا جوباسى بويىنشا رەسەيدەن يمپورتقا 10 ميلليارد ەۋرو، رەسەيگە ەكسپورتتاۋعا 10 ميلليارد ەۋرو شەكتەۋ قويىلعان. سونىڭ وزىندە بۇل رەسەي-ەۋروپا ساۋدا كولەمىمەن سالىستىرعاندا ەشتەڭە ەمەس، سوعىس باستالعانعا دەيىن ەكى تاراپتىڭ ساۋدا قاتىناسى شامامەن 250 ملرد ەۋرودان اسىپ كەتكەن، ەۋروپا رەسەيدەن 160 ملرد ەۋرو كولەمىندە ساتىپ الىپ، 100 ميلرد ەۋروعا جۋىق ساتىپ وتىرعان.
شىن مانىسىندە، ەۋروپانىڭ سانكتسياسىنان گورى بريتان مەن اقش-تىڭ رەسەيگە قارسى شەكتەۋى اناعۇرلىم قاتاڭ ءارى اۋقىمدى. سەبەبى، ەۋروپا وداعىمەن سالىستىرعاندا اعىلشىن الەمىنىڭ رەسەيمەن ەكونوميكالىق بايلانىستارى سولعىن. قاتاڭ سانكتسيالار سالعان كۇندە دە ءوز ەكونوميكاسىنا قاۋىپى از.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى