ءازىمباي عالي: ءبىز ۇلتتىق سانا داعدارىسىنا كەتىپ بارامىز

قازاق شالا ورىستانعان. قۇداي قازاقتى ساقتاپ، الدىمەن پاتشا ۇكىمەتى، كەيىن كەڭەس ۇكىمەتى قۇلاپ، ءبىز قازاقتىق نەگىزدى ساقتادىق.

ەۆرەيلەر، 1948 جىلى يزرايل پايدا بولماسا باسقا ۇلتتار مەن مەملەكەتتەردە ءشايىلىپ، ءسىڭىپ كەتەر مە ەدى. سونىمەن 1948 جىلدان باستان "ەۆرەيسكوە ناتسيونالنو- رەليگيوزنوە ۆوزروجدەنيە" باستالىپ، ەۆرەيلەر ەۆرەيلىككە قايتا باستادى. ال ءبىز قازاق شالا ورىستانعان ۇلت. قازاقتىڭ تورتتەن ءبىرى ورىسشا عانا سويلەپ ءومىر سۇرەدى. سونىمەن بىرگە قازاقتىڭ 9% بالاسىن قازاق مەكتەبىنە بەرەدى. بىراق بۇگىنگى قازاق مەكتەبى "بايقاۋسىزدا" ورىس مەكتەبىنىڭ ءبىر تۇرىنە اينالدى - "ۇشتۇعىرلى مەكتەپ" سونىڭ ناتيجەسى. "لاتىنشا" ورىستانۋعا اپاراتىن تاعى ءبىر امال. قازاق ءباسپاسوزىن قۇرتاتىن تىكەلەي جول. بىراق ءۇمىت بار: قازاقتىقتىڭ مايەگىن بۇرىڭعى، كەشەگى، بۇگىنگى ورالماندار مەن ورىستانباي كەلگەن جەرگىلىكتى قازاقتار ساقتاپ "كازاحسكوە ناتسيونالنو- رەليگيوزنوە ۆوزروجدەنيە" جاساپ كەلەدى. قازاقتىڭ ۇلتتىق يدەياسى-قازاقستاننىڭ تەرريتوريالىق تۇتاستىعى، مەملەكەتتىك ءتىلى مەن مۇسىلمانشىلىقتىڭ قازاق ۆەرسياسى . تاعى ەكى فاكتور زور اسەر ەتتى- ول "قايتا قۇرۋ كەزەڭى" (1988-1989) جانە ەگەمەندىك مەملەكەتكە اينالۋ(1991 جىلدان باستاپ)."قايتا قۇرۋ كەزەڭى" (1988-1989) - جاس ءوزى ۇلتجاندى، ءوزى دەموكراتياشىل كاگورتانى قالىپتاستىردى. بىراق جۇرەكتەرىندەگى وتى بار جىگىتتەر بۇگىن شارشادى، قارتايدى، كەيبىرىن ورىسشىلدار ساتىپ الدى، قالعانى - باسپاسوزدەن شەتتەتىلدى. سونىمەن بىرگە بيلىككە ورىسشىل قازاقتار كەلىپ "پوستكولونيالدىق شالا ورىسشىلدىق رەستاۆراتسيا" جاساماق بولدى. ەگەمەندىك العان يرلانديا ءوز ەركىمەن اعىلشىن تىلىنە ءوتتى. افريكا مەن لاتىن امەريكانىڭ كوپتەگەن مەملەكەتتەرى انا تىلىنەن بەزىپ، وتارشىلاردىڭ تىلىنە ءوتتى. ءتول ءتىلىنىڭ قۇردىمعا كەتكەنىن جوقتاپ جۇرگەن يرلاندىق، شوتلاندىقتار(ەگەمەندىك الماق) بىراق شوتلاندتار ءتول تىلىنەن باس تارتتى، ولاردىڭ جىلاعانىن كورگەن جوقپىن. افريكالىقتار-فرانتسۋزشاسىنا ءماز، اعىلشىنشا سويلەۋگە تىربانادى، ال ارابتار ارابشا سويلەسەيىك دەسەم، جوق اعىلشىنشا دەپ وتىرىپ الادى. بىزگە ورىس مەملەكەتىنىڭ تىلىنە ءوتۋ ءۇشىن ەندى كوپ ارەكەت كەرەگى جوق: الدىمەن قازاق ءتىلىنىڭ بەرەكەسىن كەتىرسە جەتەدى. وعان ۇشتۇعىرلى مەن لاتىنشانىڭ زاۋالى جەتكىلىكتى. بارا كەلە قازاقتىڭ ءوزى ورىس تىلىنە تولىق ءوتىپ، قازاق ءتىلىنىڭ سۇلباسىن ۇزاق سۇيرەتىپ جۇرمەيدى. سونىمەن ەگەمەندىك قازاقتىڭ مەملەكەتتىك تىلىنە ناقتى كەپىلدىك بەرمەيدى. نۇرەكەڭ ورىسشىل ەمەس، بىراق تەحنوكرات، ساياسي ەليتادا نەگىزىنەن ورىسشىل قازاقتاردى قولدادى. بارا كەلە ءبىز ۇلتتىق سانا داعدارىسىنا كەتىپ بارامىز. ۇلتجاندىلىقتى بولاشاقتا كەلەسى "دەموكراتيالىق تولقىن" وياتۋ مۇمكىن، ەگەردە بۇل ستسەناري جۇزەگە اسسا..."دەموكراتيالىق تولقىن" ورىسشىلدىق سانانى وياتۋى دا مۇمكىن... وندا "رۋسسكويازىچنىي" بولامىز، وندا سەنىڭ اتىڭ "ru"-Russian بولادى.

“The Qazaq Times”