قازاق ءتىلىنىڭ جاڭا ءالىپبيى. پرەزيدەنت قاۋلىسى، 20 اقپان.

قر پرەزيدەنتى نۇرسۇلتان نازارباەۆ بۇگىن لاتىن گرافيكاسىناعى قازاق ءتىلى ءالىپبيىنىڭ جاڭا نۇسقاسىن بەكىتتى. پرەزيدەنت قاۋلىسى اقوردانىڭ رەسمي سايتىندا جاريالاندى. 

1. «قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى» قازاقستان رەسپۋبليكاسى پرەزيدەنتىنىڭ 2017 جىلعى 26 قازانداعى №569 جارلىعىنا (قازاقستان رەسپۋبليكاسى ءپۇاج-ى، № 50-51-52, 326-قۇجات) مىناداي وزگەرىس ەنگىزىلسىن:

اتالعان جارلىقپەن بەكىتىلگەن لاتىن گرافيكاسىنا نەگىزدەلگەن قازاق ءتىلى ءالىپبيى وسى جارلىققا قوسىمشاعا سايكەس جاڭا رەداكتسيادا جازىلسىن.

2. وسى جارلىق جاريالانعان كۇنىنەن باستاپ قولدانىسقا ەنگىزىلەدى.

پرەزيدەنت قاۋلىسىمەن بەكىتىلگەن قازاق ءتىلىنىڭ جاڭا ءالىپبيى، 20 اقپان.

ايتا كەتەيىك، بۇعان دەيىن قازاقستان «عالىمدار وداعىنىڭ» مۇشەلەرى  2017 جىلدىڭ 26 قازانىنداعى قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى جارلىققا قاتىستى قر پرەزيدەنتى نۇرسۇلتان نازارباەۆقا اشىق حات جولداعان.

وسىلايشا عالىمدار قر پرەزيدەنتىنە لاتىننەگىزدى ءالىپبيدىڭ جاڭا جوباسى تۋرالى كونتسەپتسيا نەگىزدەمەسىن ۇسىنعان ەدى.

“The Qazaq Times”