رەسپۋبليكالىق مەنشىكتى جەكەشەلەندىرۋدەن جانە ۇلتتىق باسقارۋ حولدينگتەرىنىڭ قۇرامىنا كىرەتىن اكتيۆتەردى ساتۋدان تۇسەتىن تابىس 4-7 ملرد دوللاردى قۇراۋى مۇمكىن، ءتۇسىمنىڭ كولەمى ساۋدا ناتيجەلەرىنە بايلانىستى. بۇل تۋرالى قازاقستاننىڭ ۇەم مەملەكەتتىك اكتيۆتەردى باسقارۋ ساياساتى دەپارتامەنتىنىڭ ديرەكتورى يلونا شۆارتسكوپف حابارلادى.
ول ينۆەستورلاردىڭ «سامۇرىق-قازىنا» قورىنىڭ 47 ءىرى اكتيۆىنە قىزىعۋشىلىق تانىتىپ وتىرعاندىعىن اتاپ ءوتتى، ولاردىڭ 7-ەۋى IPO/SPO ارقىلى ساتىلادى. قوردىڭ ءىرى كومپانيالارىنىڭ IPO ستراتەگياسى بويىنشا قابىلدانعان شەشىمدەرىنە قاراي تۇسىمدەردىڭ مولشەرى 3,5 ملرد دوللاردان 5,5 ملرد دوللارعا دەيىن بولۋى مۇمكىن.
ايتا كەتەيىك، پرەزيدەنت ن.نازارباەۆ 2016 جىلعى 10 اقپانداعى قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىندا باسشىسى جەكەشەلەندىرۋدەن تۇسكەن قارجىنى ۇلتتىق قورعا باعىتتاۋ بويىنشا شارالار قابىلداۋدى تاپسىرعان.
ەندى اتالعان تاپسىرمانى جۇزەگە اسىرۋ ءۇشىن جەرگىلىكتى ءوزىن ءوزى باسقارۋ جونىندەگى زاڭ جوباسى بويىنشا بيۋدجەتتىك كودەكسكە جانە «مەملەكەتتىك مۇلىك تۋرالى» زاڭنىڭ اياسىندا سايكەس وزگەرىستەر ەنگىزىلەدى.
سونىمەن قاتار، كۆازيمەملەكەتتىك سالاداعى ءاربىر سۋبەكتىنىڭ ەكونوميكالىق احۋالى ءارتۇرلى. وسىعان بايلانىستى، جەكەشەلەندىرۋدەن تۇسكەن قارجىنى الۋ قر ەكونوميكاسىن جاڭعىرتۋ ماسەلەلەرى جونىندەگى مەملەكەتتىك كوميسسيادا ولاردىڭ قارجىلىق ورنىقتىلىعىن ەسكەرە وتىرىپ، ءاربىر اكتيۆ بويىنشا جەكە-جەكە قاراستىرىلاتىن بولادى.
ەسكە سالايىق، بۇدان بۇرىن قر قارجى ءمينيسترى باقىت سۇلتانوۆ ەۋروپالىق قايتا قۇرۋ جانە داۋم بانكىنىڭ كيپردە وتكەن وتىرىسىندا قازاقستانداعى ەڭ ءىرى 3 ۇلتتىق كومپانيانىڭ جەكەشەلەندىرۋگە قاشان قاتىساتىنىن ايتقان ەدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى