Koladj. QT

Respublikalıq menşikti jekeşelendiruden jäne wlttıq basqaru holdingteriniñ qwramına kiretin aktivterdi satudan tüsetin tabıs 4-7 mlrd dollardı qwrauı mümkin, tüsimniñ kölemi sauda nätijelerine baylanıstı. Bwl turalı Qazaqstannıñ WEM Memlekettik aktivterdi basqaru sayasatı departamentiniñ direktorı Ilona Şvarckopf habarladı.  

Ol investorlardıñ «Samwrıq-Qazına» Qorınıñ 47 iri aktivine qızığuşılıq tanıtıp otırğandığın atap ötti, olardıñ 7-eui IPO/SPO arqılı satıladı. Qordıñ iri kompaniyalarınıñ IPO strategiyası boyınşa qabıldanğan şeşimderine qaray tüsimderdiñ mölşeri 3,5 mlrd dollardan 5,5 mlrd dollarğa deyin boluı mümkin.

Ayta keteyik, Prezident N.Nazarbaev 2016 jılğı 10 aqpandağı Qazaqstan Respublikası Ükimetiniñ keñeytilgen otırısında basşısı jekeşelendiruden tüsken qarjını Wlttıq qorğa bağıttau boyınşa şaralar qabıldaudı tapsırğan.

Endi atalğan tapsırmanı jüzege asıru üşin jergilikti özin özi basqaru jönindegi zañ jobası boyınşa Byudjettik kodekske jäne «Memlekettik mülik turalı» Zañnıñ ayasında säykes özgerister engiziledi.

Sonımen qatar, kvazimemlekettik saladağı ärbir sub'ektiniñ ekonomikalıq ahualı ärtürli. Osığan baylanıstı, jekeşelendiruden tüsken qarjını alu QR ekonomikasın jañğırtu mäseleleri jönindegi memlekettik komissiyada olardıñ qarjılıq ornıqtılığın eskere otırıp, ärbir aktiv boyınşa jeke-jeke qarastırılatın boladı.

Eske salayıq, bwdan bwrın  QR Qarjı ministri Baqıt Swltanov Europalıq qayta qwru jäne daum bankiniñ Kiprde ötken otırısında Qazaqstandağı eñ iri 3 wlttıq kompaniyanıñ  jekeşelendiruge qaşan qatısatının aytqan edi.