Foto: "QazaqTimes"

Keşe Qasqeleñ «Mädeniet üyinde» Alataudıñ biiginen altı alaşqa öleñ wşırğan Esenqwl Jaqıpbekovtıñ öleñderine jazılğan änderdiñ  «El erkesi – Esenqwl»  respbulikalıq änşiler bayqauınıñ Gala koncerti ötti. Nätijesi tömende.

Foto: "QazaqTimes"

 «El erkesi – Esenqwl» attı E.Jaqıpbekovtıñ öleñderine jazılğan Respublikalıq änşiler bayqauınıñ «Jaña än» nominaciyası boyınşa joğarı orındauşılıq şeberligi üşin Däuren Alğısbek, Esbol Şañbay, Mädi Jılqışıbaev, Amantay Erkebwlan men Bahıthan Altıngül esimdi qız-jigitter kompozitor, prodyusser Bauırjan Esebaevtıñ qolınan diplom aldı jäne olarğa berilgen qarjılay sıylıq 70 mıñ teñge boldı.

Amantay Erkebwlan men Baqıthan Altıngül. "Jaña än" nominaciyasınıñ jüldegerleri.
Foto: "QazaqTimes"

«El erkesi – Esenqwl» attı respublikalıq änşiler bayqauınıñ üşinşi orın iegerlerine 100 mıñ teñge qarjılay sıylıq jäne diplomdı QR Mädeniet salasınıñ üzdigi, änşi Sayat Medeuovtıñ tabıstadı. Bwl tizimde: Meyirjan Samıltırov, Jañıl Mersimova jäne  Mwsağali Jaswlan bar.

Nariman Abdrahmanov, Aysäule Qayırğazina jäne Erğali Aqaydarov.
Foto: "QazaqTimes"

Qazaqstan jazuşılar odağı basqarması törağasınıñ orınbasarı Janarbek Äşimjan jäne QR Mädeniet salasınıñ üzdigi, kompozitor  «Üşqoñır»  FAE körkemdik jetekşisi Bağlan Omarov ekinşi orın iegerlerine diplomdarı men qarjılay 150 mıñ köleminde aqşalay sıylıqtarın tabıs etti. Ekinşi orın alğan önerpazdar: Älibi Qaniev pen Ädilet Ädikenov.

Foto: "QazaqTimes"

Baymwhamet Mwqatay birinşi orın ielenip, qazılar alqasınıñ törağası, «Qazaq ädebieti» gazetiniñ bas redaktorı Jwmabay Şaştaywlınıñ qolınan diplomın jäne 200 mıñ qarjılay sıylıq aldı.

Dinislam Jaylaubaev. "El erkesi – Esenqwl" bayqauınıñ jeñimpazı.
Foto: "QazaqTimes"

«El erkesi – Esenqwl» attı E.Jaqıpbekovtıñ öleñderine jazılğan Respublikalıq änşiler bayqauınıñ bas jülde iegeri – Dinislambek Jaylaubaev atalmış sayıstıñ demeuşisi äri joba avtorı, Qarasay audanınıñ äkimi Mahabbat Saduaqaswlınıñ qolınan arnayı diplom men 300 mıñ aqşalay sıylıqqa ie boldı.

Foto: "QazaqTimes"

Marapattau räsimi ayaqtalğannan keyin, gala-koncert ömirin öleñmen örgen örşil aqınnıñ ruhın asqaqtatıp, jüzden jüyrik ozıp şıqqan önerpazdar men estrada jwldızdarınıñ önerimen  jalğastı.

Bekjan Twrıs. Foto: "QazaqTimes"

Bağlan Äbdrayımov. Foto: "QazaqTimes"

Foto: "QazaqTimes"

Sayat Medeuov. Foto: "QazaqTimes"

Esenqwl Jaqıpbek – qos ğasır at auıstırıp jatqan twsta köne men jañanıñ irgesin qosıp, Jambıl men Mwqağalidiñ jırlarınıñ tüyisken nüktesine öleñ ölkesindegi boz üyin tikken aqın. Onıñ sezimge tolı swrapıl jırları är qazaqtıñ jürek twsında sayrap twr. «Aytısta şaqpa, poeziyada aqpa aqın» dep bağalanğan aqınnıñ aytıs alamanımen wştasıp jatqan mändi de dämdi şumaqtarı men äsem änderi öner süyer jwrtşılıqtıñ auzında.

Foto: "QazaqTimes"

Esenqwl aqınnıñ şığarmaşılığına arnalğan atalmış konkurs biıl birinşi ret ötkizilip otır.  Qazaq halqı önermen ömir süretin halıq emes pe?! Wyımdastıruşılardıñ asılımızdı ardaqtap, aqınımızdı madaqtap, osınday ädemi keş sıylağanına koncertke kelgen jwrtşılıq rizaşılığın bildirip tarap jattı....

«The Qazaq Times»