Aqın R.Niyazbekov. Foto: Ädebiet portalı

Bügin, 20 qırküyek küni qazaqtıñ tağı bir darındı qalamgeri, aqın, prozaik Rafael' Niyazbekov 78 jasqa qarağan şağında ömirden ozdı.

Rafael' Niyazbek 1943 jılı Jambıl oblısı Talas audanında düniege kelgen. 1978 jılı Qazaq wlttıq universitetiniñ filologiya fakul'tetin tamamdağan. Qalamger Qazaq radiosında, «Juldız» jurnalında, «Jazuşı» baspasında eñbek etken. Qazaq ädebietiniñ qazınasına «Örken», «Biiktey ber, taularım», «Jetigen», «Tamwq otına janbağan», «Şeşender», «Içkeriya» attı jır jinaqtarın, «Otağası», «Qañtar», «Qızğış qws» siyaqtı povesteri, «Qızıl üy», «Tas qwday» qatarlı prozalıq şığarmaların sıylağan.

R.Niyazbekov Qazaqstannıñ eñbek siñirgen qayratkeri äri Şeşenstan Respublikasınıñ eñ joğarı «Wlt namısı» ordeniniñ iegeri.

Orını tolmas qazağa baylanıstı qalamgerdiñ otbası men jaqın tuıstarına, ağayın-dostarı men qazaq eline qayğıra otırıp köñil aytamız!

The Qazaq Times