Photo: Radio Azattyk

Qaraşa ayınıñ 20-sı küni Almazbek Atambaev Qırğızstan prezidenti retinde qorıtındı baspasöz mäslihatın ötkizude.

Bügin Bişkek qalasında ornalasqan prezident rezidenciyasında Almazbek Atambaev jurnalister swraqtarına jauap berude. Ol onda Qazaqstanmen aradağı qarım-qatınas jayında: «Astanamen aradağı jağdayğa baylanıstı barlığı şeşilude. Biraq men dwrıs istedim dep oylaymın. Bwnıñ barlığı bolaşaq ta sabaq boladı. Aldağı uaqıtta ötetin prezident, parlamant saylaularında eşkim bizdiñ işki sayasatımızğa aralaspaytın boladı. 2010 jılı Qazaqstan Wlttıq Qauipsizdiñ Qızmetiniñ keñesşisi parlamentte aqşa taratıp jürgeni äli esimde. Osıdan keyin biz oğan el aumağına kiruge tıyım saldıq. Sol uaqıtta Roza Otunbaeva mağan barıp kelissöz jürgizu kerek dedi. Biraq men eki künge sudı jauıp tastadım. Osıdan keyin mäseleniñ barlığı özdiginen şeşildi. Men jaqında dosım Vladimir Putinmen söylestim. Bizge bwnıñ barlığı ne üşin kerek ekendigin tüsindirdim. Bizdiñ el bolğanımızğa 2,5 mıñ jıl. Soñğı altı jılda biz eki ret qorşauda qaldıq. Bizge elektr energiyasımen qalay jasadı, biz de olarğa solay jasaymız. Bwl jerde aykidodağıday seni tebedi, jauap retinde sende onı tebesiñ» - degen.

Esteriñizge salayıq, bwğan deyin Qırğızstan prezident äkimşidigi Almazbek Atambaev soñğı baspasöz mäslihatın qaraşa ayınıñ 15-si küni ötkizedi degen aqparat taratqan. Biraq keyinen ol qaraşa ayınıñ 20-sı künine şegerilgen.

“The Qazaq Times”