2018 jılı Qazaqstan Pasport indeksinde eki satığa köterilip, 65 orınğa twraqtadı. YAğni osı reyting esebi boyınşa qazaqstandıqtar vizasız 71 elge baruğa mümkindik alıp otır.

Henley&Partners kompaniyası taratqan aqparat boyınşa Qazaqstan Belarus' pen Oman elderimen bir orında twr. Bir qızığı ötken jılı da Qazaqstannıñ vizasız 71 elge baruğa mümkindigi bolğan. Biraq ol kezde memleket 67 orında twrğan.

Pasport indeksinde Qazaqstanmen körşiles Resey - 48, Äzerbayjan - 72, Özbekstan - 85 orında twr.

Atalğan reytingte  vizasız baruğa bolatın elder tiziminiñ körsetkişi boyınşa Germaniya soñğı bes jıldan beri birinşi orında twr. YAğni atalğan eldiñ azamattarı vizasız 177 elge erkin sayahattay aladı. Ekinşi orında Singapur. Bwl elde twratın azamattardıñ 176 elge vizasız baruğa mümkindigi bar. Al üşinşi orındı Wlıbritaniya, Daniya, Italiya, Norvegiya, Finlyandiya, Franciya, Şveciya, Japoniya bölisken. Atalğan eldiñ azamattarı 175 eldi vizasız-aq köre aladı.

Al eñ soñğı orında twrğan el - Auğanstan. Bwl el azamattarı üşin vizasız tek 24 eldiñ esigi aşıq.

Kompaniyanıñ mälimetinşe, viza talaptarı memlekettiñ älemdik qauımdastıqtağı märtebesine ob'ektivti türde äser etedi. Viza şekteuleriniñ bolmauı ärtürli yurisdikciyalarda biznesti tiimdi jürgizuge, halıqaralıq baylanıstardı saqtauğa, jahandıq investiciya mümkindikterin paydalanuğa jäne erkin sayahattauğa mümkindik beredi.

Sonımen qazaqstandıqtar vizasız bara alatın elder mınalar:

Bwrınğı KSRO elderi: Äzerbayjan, Armeniya, Belarus', Gruziya ,Qırğızstan, Moldova, Resey, Täjikstan, Türkimenstan, Özbekstan, Ukraina.

Europa elderi: Albaniya, Makedoniya, Serbiya, Çernogoriya.

Karib teñizi elderi: Antigua jäne Barbuda, Barbados, Gaiti, Dominika, Sent-Vinsent jäne Grenadina.

Oñtüstik Amerika elderi: Argentina, Braziliya, Kuba, Kolumbiya, Kolumbiya, Ekvador.

Aziya jäne Oñtüstik-Şığıs Aziya elderi: Gonkong, Indoneziya, Malayziya, Mal'diva, Moñğoliya, Türkiya, Filippin, Oñtüstik Koreya, Haynan' aralı.

Tınıq mwhitı araldarı: Mikroneziya, Niue, Samoa, Kuka aralı

Afrika elderi: Namibiya, Seyşel araldarı, Tunis.

Sonday-aq, qazaqstandıqtar üşin viza alu tärtibi jeñildetilgen elder mınalar: Boliviya, Burundi, Şığıs Timor, V'etnam, Gvineya-Bisau, Grenada, Djibuti, Dominika Respublikası, Mısır, Zambiya, Kabo-Verde, Iordaniya, Kambodja, Keniya, Komor araldarı, Laos, Mavrikiy, Livan, Madagaskar, Makao, Makao, Mali, Mozambik, Nepal, Nikaragua, Palau, Singapur, Somali, Tayland, Togo, Tuvalu, Uganda, Şri-Lanka, YAmayka.

“The Qazaq Times”