2017 jıldıñ jeltoqsan ayında mindetti medicinalıq saqtandıru qorına audarılğan qarajat kölemi 7,4 mlrd teñgeni qwradı. Bwl turalı qordıñ baspasöz qızmeti habarladı, dep jazdı LS. 

Habarlanğanday, 2017 jıldıñ 1 şildesi men 31 jeltoqsan aralığında jwmısşılar men jeke käsipkerlerden audarılğan audarımdar men jarnalar kölemi 32,1 mlrd teñge bolğan.

"Audarımdardıñ 26,4 mlrd teñgesi (82,2%) jwmıs beruşilerdiki, 5,7 milliardı (17,8%) azamattıq-qwqıqtıq kelisim boyınşa jwmıs istep jatqan jeke twlğalar men jeke käsipkerlerdiki", - dep tüsindirgen baspasöz qızmeti.

Al öñirlerge keler bolsaq, audarımdardıñ köp mölşeri Almatı jäne Astanadan, sonday-aq, Qarağandı men Şığıs Qazaqstan oblıstarınan bolğan.

Vedomstvonıñ mälimetinşe, 2017 jıldıñ esebi boyınşa jinalğan qarajat kölemi qordıñ boljamınan (30 mlrd teñge köleminde jinaladı dep boljanğan) köp bolğan.

Ayta keteyik, 2017 jıldıñ 4 qırküyeginde Qazaqstan Prezidenti Nwrswltan Nazarbaev mindetti äleumettik medicinalıq saqtandıru jüyesindegi kemşilikterge nazar audarıp, atalğan jüyeni engizuge asıqpau keregi turalı aytqan. Şın mäninde 2017 jıldıñ 1 şildesinen bastap saqtandıru qorına aqşa audaru bastalıp ketken. 2018 jıldıñ 1 qañtarınan bastap osı saqtandıru qorındağı qarajat arqılı medicinalıq qızmet körsetu bastalu kerek edi. Alayda endi bwl qızmetti paydalanu da mümkin bolmaytın siyaqtı.

“The Qazaq Times”