24 şilde. Qonaev qalalıq sotı. Almasbek Sadırbay men özge de azamattarğa qatıstı ötip jatqan sot otırısında tergeu organdarınıñ jibergen öreskel qatelikteri men ayıptau aktisindegi qayşılıqtar birinen soñ biri şığıp jatır. Kezekti sot otırısı jäbirlenuşi dep tanılğan tört oblıstıñ biri Pavlodar oblıstıq Auıl şaruaşılığı basqarması ökiliniñ swraq-jauabımen bastaldı. Advokattardıñ ötkir swraqtarı men sud'yanıñ naqtılauı barısında bwl istegi Pavlodar oblısı boyınşa tağılğan ayıptıñ negizsiz ekeni tolıqtay äşkere boldı.

4 kündik tanısu protokolı jäne «bärin wmıtqan» ökil

Sot otırısınıñ alğaşqı böligi Pavlodar oblıstıq Auıl şaruaşılığı basqarması   ökili Vladlen Paktan jauap alumen örbigi. Qorğauşı tarap is materialdarındağı (31-tom, 46-bet) protokol boyınşa Paktıñ qılmıstıq ispen tolıq 4 kün boyı tanısqanı turalı qwjatqa toqtaldı.

Jartı sağattıq «tanısu»: Qorğauşılardıñ: «İs materialdarımen qanşa uaqıt tanıstıñız?» degen swrağına Auıl şaruaşılığı basqarması   ökili bastapqıda tek 30–40 minut qana qarağanın ayttı.

Qolhat pen Biletter qayşılığı: Sot zalında ökildiñ ispen 4 kün boyı tolıq tanısqanı turalı qol qoyğan protokolı körsetilgende, ol: «Esimde joq, qattı şarşağan bolarmın», — dep jauap berdi.

Zañsızdıqqa nazar audartu: Advokat Qwsayınova Auıl şaruaşılığı basqarması   ökiliniñ materialdardı oqımay, köz jwmıp qol qoya beretinin ayıptadı. Öytkeni, däl osınday salğırt ökilderdiñ kesirinen istiñ bwrmalanıp, azamattardıñ aylar boyı zañsız qamauda otırğanın basa ayttı. Qorğauşı tarap osı jayt boyınşa QR Auıl şaruaşılığı ministrliginiñ atına jeke qaulı şığarudı talap etti.

Pavlodar oblısında zalal bar ma? Auıl şaruaşılığı basqarması   ökiliniñ jauaptan qaşuı

Sud'ya men advokattardıñ: «Almasbek Sadırbaydıñ nemese basqa sottaluşılardıñ äreketinen Pavlodar oblısı Auıl şaruaşılığı basqarmasına müldem müliktik nemese qarjılıq şığın (uşerb) keldi me?» degen aşıq swrağı sot zalında ülken dau tudırdı.

Swraqtan qaşu: Auıl şaruaşılığı basqarması   ökili Vladlen Pak bwl swraqqa naqtı jauap bere almay, birneşe ret jauaptan qaştı.

İstiñ negizgi tüyini: Almasbek Sadırbayğa qatıstı ayıptıñ negizi — wsaq maldı (qoydı) qoldan wrıqtandıru subsidiyası bolıp tabıladı. Al Pavlodar oblısı boyınşa qılmıstıq iske «SPK Satpaev Agro» JŞS-niñ 4 bas bwqa (KRS) satıp aluğa bergen 600 mıñ teñgelik ötinimi ğana engizilgen.

Sud'yanıñ naqtılauı: Sud'yanıñ tikeley qoyğan swrağınan keyin, Pavlodar oblısı boyınşa bwl iske qatıstı wsaq malğa (otarlı qoyğa) qatıstı eşqanday ötinimniñ de, şığınnıñ da joq ekeni, atalğan KRS ötiniminiñ bwl iske qatelikpen qosılıp ketkeni ayqındaldı.

"Bwl degenimiz — Pavlodar oblısı Auıl şaruaşılığı basqarmasına Almasbek Sadırbay tarapınan eşqanday şığın keltirilmegenin jäne bwl organnıñ bwl iste müldem jäbirlenuşi bola almaytının däleldeydi." — Qorğauşı tarap

Ayıptau aktisindegi şikilik: Müyizdi iri qara ma, älde uaq mal ma?

Sot otırısınıñ ekinşi böliginde de subsidiya ötinimderiniñ kodtarı men bağıttarına qatıstı tergeu organdarınıñ jibergen öreskel qatelikteri söz boldı. Advokattardıñ aytuınşa, tergeu tarapı ayıptau aktisin jasauda barlıq ötinimderdi bir qorjınğa salıp, män-jaydı anıqtamastan ayıp taqqan.

Kodtardıñ şatasuı: Advokat Kusainova subsidiya ötinimderiniñ arnayı kodtarğa bölinetinin habarladı:

012 — Müyizdi iri qara maldıñ erkin şağılısuı;

037 — Wsaq maldıñ qoldan wrıqtandırıluı;

039 — Wsaq maldı bordaqılau.

Negizsiz ayıptar: Qorğauşı tarap bwl qılmıstıq iste tek wsaq maldı qoldan wrıqtandıru (037) boyınşa subsidiyalar qarastırıluı tiis ekenin eskertti. Al ayıptau aktisine Müyizdi iri qara maldıñ erkin şağılısuı (012) men bordaqılauğa (039) arnalğan ötinimder zañsız qosılıp ketken.

Ziyannıñ qoldan ösirilui: Jäbirlenuşi tarap ökilderi bwl ötinimderdiñ bağıttarı bölek ekenin jäne is ayasında Müyizdi iri qara maldıñ boyınşa zañbwzuşılıq ayıbı tağılmaytının moyındadı. Bwl öz kezeginde tergeudiñ «keltirildi» degen şığın kölemin qoldan köbeytip körsetkenin ayğaqtaydı. Auıl şaruaşılığı basqarması men SPK arasındağı qayşılıqtar

Sotta Almatı jäne Jetisu oblıstarı boyınşa bölingen subsidiyalardıñ zañdılığı da qaraldı.

Şağımnıñ bolmauı: Advokattardıñ «SPK -lardan nemese fermerlerden Almasbek Sadırbay men basqa da sottaluşılardıñ subsidiya aqşasın tartıp alğanı boyınşa arız-şağım tüsti me?» degen tikeley swrağına, jäbirlenuşi tarap ökili: «Joq, eşkim şağımdanğan joq», — dep jauap berdi.

Aqşanıñ qayda ketkeni belgisiz: Aqşalay subsidiyalar sottaluşılarğa emes, Auıl şaruaşılığı basqarması teksergennen keyin resmi SPK -lardıñ esepşotına tüsken. Alayda tergeu sol SPK basşılarınan qarajattıñ qayda jwmsalğanın tolıq teksermey, tikeley Sadırbayğa ayıp tağuğa asıqqan.

27 SPK jäne toqtatılğan betpe-bet tergeu

Sotta söz alğan sottaluşı Almasbek Sadırbay öziniñ 21 aydan beri qamauda otırğanın jäne Auıl şaruaşılığı ministrliginiñ aşıq sınağanı üşin osılay quğınğa wşırağanın ökinişpen jetkizdi. Ol tergeu organdarınıñ şındıqtı aşuğa müddeli bolmağanın naqtı ayğaqtarmen keltirdi.

Toqtatılğan procester: İs boyınşa 27 SPK figuraciyalanadı. Alayda tergeu barısında tek bir ğana SPK basşısımen («Rayımbek Qazna» basşısı Rauşan Toqsiitova) betpe-bet tergeu jürgizilgen.

Nätijeniñ tergeuge jaqpauı: Betpe-bet tergeude Rauşan Toqsiitova Sadırbay tarapınan eşqanday bopsalau nemese aqşa talap etu faktisi bolmağanın aytqan. Bwdan keyin ğimaratta kütip twrğan 10-ğa juıq SPK basşısımen betpe-bet tergeu jürgizilmey, tergeuşiler procesti kilt toqtatıp, adamdardı qaytarıp jibergen.

Kuägerler tiziminen joğaluı: 600–700 million teñge köleminde eñ iri subsidiya alğan osı «Rayımbek Qazna» basşısı soñında ayıptau tarapınıñ kuägerler tiziminen müldem alınıp tastalğan.

Procestiñ aldağı barısı

Bügingi otırısta qorğau tarabı tergeu organdarınıñ isti asığıs, sapasız jäne zañbwzuşılıqtarmen jürgizgenin kezekti märte däleldep berdi. Bwl negizsiz ayıptaular men jasalğan hattamalar boyınşa tiisti saraptamalar tağayındaudı jäne ötinimderdi isten şığarudı talap etude. Sot procesi aldağı künderi basqa da kuägerler men kommerciyalıq wyımdar ökilderinen jauap alumen jalğasadı.

The Qazaq Times