«ەل ەركەسى – ەسەنقۇل» رەسپۋبليكالىق سايىسى ءوز مارەسىنە جەتتى

كەشە قاسقەلەڭ «مادەنيەت ۇيىندە» الاتاۋدىڭ بيىگىنەن التى الاشقا ولەڭ ۇشىرعان ەسەنقۇل جاقىپبەكوۆتىڭ ولەڭدەرىنە جازىلعان اندەردىڭ  «ەل ەركەسى – ەسەنقۇل»  رەسپبۋليكالىق انشىلەر بايقاۋىنىڭ گالا كونتسەرتى ءوتتى. ناتيجەسى تومەندە.

فوتو: "QazaqTimes"

 «ەل ەركەسى – ەسەنقۇل» اتتى ە.جاقىپبەكوۆتىڭ ولەڭدەرىنە جازىلعان رەسپۋبليكالىق انشىلەر بايقاۋىنىڭ «جاڭا ءان» نوميناتسياسى بويىنشا جوعارى ورىنداۋشىلىق شەبەرلىگى ءۇشىن داۋرەن العىسبەك، ەسبول شاڭباي، ءمادي جىلقىشىباەۆ، امانتاي ەركەبۇلان مەن باحىتحان التىنگۇل ەسىمدى قىز-جىگىتتەر كومپوزيتور، پروديۋسسەر باۋىرجان ەسەباەۆتىڭ قولىنان ديپلوم الدى جانە ولارعا بەرىلگەن قارجىلاي سىيلىق 70 مىڭ تەڭگە بولدى.

امانتاي ەركەبۇلان مەن باقىتحان التىنگۇل. "جاڭا ءان" نوميناتسياسىنىڭ جۇلدەگەرلەرى.
فوتو: "QazaqTimes"

«ەل ەركەسى – ەسەنقۇل» اتتى رەسپۋبليكالىق انشىلەر بايقاۋىنىڭ ءۇشىنشى ورىن يەگەرلەرىنە 100 مىڭ تەڭگە قارجىلاي سىيلىق جانە ديپلومدى قر مادەنيەت سالاسىنىڭ ۇزدىگى، ءانشى سايات مەدەۋوۆتىڭ تابىستادى. بۇل تىزىمدە: مەيىرجان سامىلتىروۆ، جاڭىل مەرسيموۆا جانە  مۇساعالي جاسۇلان بار.

ناريمان ابدراحمانوۆ، ايساۋلە قايىرعازينا جانە ەرعالي اقايداروۆ.
فوتو: "QazaqTimes"

قازاقستان جازۋشىلار وداعى باسقارماسى توراعاسىنىڭ ورىنباسارى جاناربەك ءاشىمجان جانە قر مادەنيەت سالاسىنىڭ ۇزدىگى، كومپوزيتور  «ۇشقوڭىر»  فاە كوركەمدىك جەتەكشىسى باعلان وماروۆ ەكىنشى ورىن يەگەرلەرىنە ديپلومدارى مەن قارجىلاي 150 مىڭ كولەمىندە اقشالاي سىيلىقتارىن تابىس ەتتى. ەكىنشى ورىن العان ونەرپازدار: ءالىبي قانيەۆ پەن ادىلەت ادىكەنوۆ.

فوتو: "QazaqTimes"

بايمۇحامەت مۇقاتاي ءبىرىنشى ورىن يەلەنىپ، قازىلار القاسىنىڭ توراعاسى، «قازاق ادەبيەتى» گازەتىنىڭ باس رەداكتورى جۇماباي شاشتايۇلىنىڭ قولىنان ديپلومىن جانە 200 مىڭ قارجىلاي سىيلىق الدى.

ءدىنيسلام جايلاۋباەۆ. "ەل ەركەسى – ەسەنقۇل" بايقاۋىنىڭ جەڭىمپازى.
فوتو: "QazaqTimes"

«ەل ەركەسى – ەسەنقۇل» اتتى ە.جاقىپبەكوۆتىڭ ولەڭدەرىنە جازىلعان رەسپۋبليكالىق انشىلەر بايقاۋىنىڭ باس جۇلدە يەگەرى – دىنيسلامبەك جايلاۋباەۆ اتالمىش سايىستىڭ دەمەۋشىسى ءارى جوبا اۆتورى، قاراساي اۋدانىنىڭ اكىمى ماحاببات سادۋاقاسۇلىنىڭ قولىنان ارنايى ديپلوم مەن 300 مىڭ اقشالاي سىيلىققا يە بولدى.

فوتو: "QazaqTimes"

ماراپاتتاۋ ءراسىمى اياقتالعاننان كەيىن، گالا-كونتسەرت ءومىرىن ولەڭمەن ورگەن ءورشىل اقىننىڭ رۋحىن اسقاقتاتىپ، جۇزدەن جۇيرىك وزىپ شىققان ونەرپازدار مەن ەسترادا جۇلدىزدارىنىڭ ونەرىمەن  جالعاستى.

بەكجان تۇرىس. فوتو: "QazaqTimes"

باعلان ءابدرايىموۆ. فوتو: "QazaqTimes"

فوتو: "QazaqTimes"

سايات مەدەۋوۆ. فوتو: "QazaqTimes"

ەسەنقۇل جاقىپبەك – قوس عاسىر ات اۋىستىرىپ جاتقان تۇستا كونە مەن جاڭانىڭ ىرگەسىن قوسىپ، جامبىل مەن مۇقاعاليدىڭ جىرلارىنىڭ تۇيىسكەن نۇكتەسىنە ولەڭ ولكەسىندەگى بوز ءۇيىن تىككەن اقىن. ونىڭ سەزىمگە تولى سۇراپىل جىرلارى ءار قازاقتىڭ جۇرەك تۇسىندا سايراپ تۇر. «ايتىستا شاقپا، پوەزيادا اقپا اقىن» دەپ باعالانعان اقىننىڭ ايتىس الامانىمەن ۇشتاسىپ جاتقان ءماندى دە ءدامدى شۋماقتارى مەن اسەم اندەرى ونەر سۇيەر جۇرتشىلىقتىڭ اۋزىندا.

فوتو: "QazaqTimes"

ەسەنقۇل اقىننىڭ شىعارماشىلىعىنا ارنالعان اتالمىش كونكۋرس بيىل ءبىرىنشى رەت وتكىزىلىپ وتىر.  قازاق حالقى ونەرمەن ءومىر سۇرەتىن حالىق ەمەس پە؟! ۇيىمداستىرۋشىلاردىڭ اسىلىمىزدى ارداقتاپ، اقىنىمىزدى ماداقتاپ، وسىنداي ادەمى كەش سىيلاعانىنا كونتسەرتكە كەلگەن جۇرتشىلىق ريزاشىلىعىن ءبىلدىرىپ تاراپ جاتتى....

«The Qazaq Times»