Joba turalı

«Qazaqtimes.kz» aqparattıq, qoğamdıq-sayasi portalı qoğamnıñ är salasındağı tıñ aqparat, tanımdıq oylardı qozğauğa bağıttalğan. Saytımız bügingi ğalamdasu däuirindegi qazaq müddesin jaqtauğa, qorğauğa üles qospaq niette. Soğan oray, qazaq bolmısın bederleytin wlttıq dästür, tarih, mädeniet, ruhaniyatqa den qoyadı. Uaqıtı ötse de mänin joymağan, közden ketip, köñilden kömeskilene bastasa da mañızın saqtağan tanımdıq oy, tağılımdı söz, tartımdı oqiğalardı jañğırtu da bir maqsatımız.  Qazaqtıñ bügini men erteñinde erekşe ornı bar twlğalarımızdı wmıt qaldırmay, qayta qauzap otıru da bizdiñ mindet.

Biz barınşa beytarap wstanımda bola otırıp, qazaq memleketiniñ san aluan sayasatına da öz tarapımızdan söz aytamız. Ükimettiñ qazaq tağdırına qatıstı türli qadamdarın da hal-qadirimizşe qadağalap otıramız. Halıqaralıq jaylarğa da beyjay qaramaymız. Qazaq jaylı «jarq» etken jañalıq, jağımdı habar, jaqsı pikirdi köpke jariyalauğa den qoyamız. Jağımsız twstarımızğa da jöndi közqaras bildiremiz.

Eñ bastısı, san türli aqparat ağınınıñ arasınan asılın ekşep, jasığın tektep otırsaq degen tauday talabımız bar. Sol arqılı internet keñistigindegi qazaq tildi kontenttiñ bay mazwndı, baysal oylı, salihalı da salmaqtı, sauattı deñgeyge köteriluine tamşıday bolsa da üles qossaq degen qwlşınısımız bar. Sol qwlşınısımızdı quattı iske aynaldıruğa, qwrmetti oqırman sizderdiñ de ülken qoldaularıñız kerek! Siz bolıp, biz bolıp, qazaq söziniñ, qazaq oyınıñ, qazaq müddesiniñ biiktey beruine qızmet eteyik!

"The Qazaq Times" aqparattıq, qoğamdıq-sayasi portalına 2018 jıldıñ 27 naurızında QR aqparat jäne kommunikaciyalar ministrliginen  № 16990-IA "Qazaq Times" aqparat agenttigi kuäligi berilgen.

Qwrmetpen: «Qazaqtimes» redakciyası.