Qattı jauğan jauın-şaşınnan jäne özen suı deñgeyiniñ köterilui saldarınan Şığıs Qazaqstan oblısınıñ Kürşim auılı men Topterek auılın jalğap twrğan köpirdi su şayıp ketti. Bwl turalı QR işki ister ministrligi tötenşe jağdaylar komitetiniñ baspasöz qızmeti habarladı.
"Edimekenge qauip joq, alayda Topterek auılınıñ twrğındarı uaqıtşa sırtqı älemnen oqşaulanıp qaldı dese de boladı. Qazirgi tañda jol jabılğan, beket qoyıldı. Oqiğa ornınan Topterek auılına deyin şamamen 4 şaqırım. Şığıs öñirlik aerowtqır jedel-qwtqaru jasağınıñ qwtqaruşıları Kürşim audanınıñ TJB, jergilikti policiya qızmeti jäne audandıq äkimdikpen birlesip azıq-tülik jetkizip, adamdardı tasuda", - delingen habarlamada.
Bwdan bwrın ŞQO äkimi Danial Ahmetov zardap şekken eldi mekenderge barıp qaytqan. Ol Öskemen äkimdiginiñ su tasqının aldın alu jwmıstarı meen jauapsızdığın sınğa alğan.
Danial Ahmetov zardap şekken twrğındarmen kezdesti. Foto: ŞQO äkimdigi
"Danial Ahmetov jağdaydı bağaladı jäne jergilikti basşılardıñ öz isine degen jauapsızdığın atap ayttı. Sonday-aq, bir sağat işinde Sätbaev dañğılındağı qozğalıstı retke keltiruge tapsırma berdi. Üyleri zaqımdanğan barlıq twrğındarğa kömek körsetiletinin ayta ketu kerek", - delingen habarlamada.
Ayta keteyik, Şığıs Qazaqstan oblısında tolassız jauğan jauın-şaşın men qardıñ erui saldarınan keybir eldi mekenderdi su basıp, twrğındar qauipsiz aymaqqa köşirilude.
Astanada qalğan jañaözendik jwmıssızdar "Qazmwnaygaz" kelissözdi toqtatıp tastadı deydi
FBR Pentagonnıñ qwpiya qwjattarınıñ jariyalanuına qatısı bar küdiktini qamadı
"24+1". Qandı qañtardıñ onlayn & oflayn sottarı qalay ötip jatır?
Nazarbaev "qwrmetti senator" atağınan ayırıldı
Moñğoliya astanasında jappay narazılıq şeruleri ötti
Ekibastwzda jılu jelisindegi aqauğa "stanciya qızmetkeriniñ qateligi" sebep bolğanı aytıldı
