Astanada "Qazmwnaygaz" ökilderimen kelissözge qalğan jañaözendik 10 mwnayşı Azattıqqa on kün ötse de kelisimge kelmegenin, 20 säuirde kelissöz ötpey qalğanın ayttı. Bwl turalı olar 20 säuirde Astanada ötken baspasöz mäslihatında mälimdedi, – jep jazdı Azattıq radiosı.

"Qazmwnaygaz" ökilderi äldebir "komissiya" qwrılıp, Jañaözenge ketkenin habarlağan. Komissiyağa kimder kirgeni, ne üşin qwrılğanı belgisiz deydi mwnayşılar.

Al "Qazmwnaygaz" 20 säuirde Jañaözende osı kompaniya ökilderinen qwralğan “arnayı jwmıs tobı” iske kiriskenin habarladı.

"Olarğa qalanıñ eñbek wjımdarımen kezdesu ötkizu, jwmısşılardıñ eñbek jağdayımen, satıp alu qızmetimen jäne käsiporındar jwmısınıñ basqa da twstarımen tanısu mindetteri qoyıldı. Jergilikti kompaniyalar qızmetkerleriniñ kelisimşart talaptarınıñ bwzılğanı jönindegi şağımdarı, sonıñ işinde Astanada ötken arnayı komissiya jwmısı kezinde "BerÄli Mañğıstau Company" kompaniyasınıñ bwrınğı qızmetkerleri mälimdegen şağımdar jeke qaralatın boladı" dep jazılğan kompaniya habarlamasında.

"Qazmwnaygaz" komissiya jwmısınıñ qorıtındısı boyınşa "ekonomikalıq jäne äleumettik mäseleni şeşu üşin" jospar qwrılatının aytadı.

Säuirde Jañaözende "QazMwnayGazğa" servistik qızmet körsetetin "BerÄli Mañğıstau Company" käsipornı tenderde jeñilip, 100-den astam adam jwmıssız qalğan. 10 säuirde olar Astanağa barıp, bilikten "QazMwnayGazğa" tiesili "Özenmwnaygaz" sındı iri kompaniyalardan twraqtı jwmıs talap etken edi.

"QazMwnayGaz" jwmısşılarğa tenderde jeñgen "Kezbi" jäne Ai-Bis jeke kompaniyalarınan bwrınğıday jalaqı alatın jwmıs wsınğan. Biraq jañaözendikter "az uaqıttan soñ qayta tender bolıp, tağı jwmıssız qalamız" degen.

11 säuirde keşkisin arnayı jasaq olardı wstap, basım böligin 12 säuirde Jañaözenge qaytarğan. Astanada "Qazmwnaygazben" kelissöz jürgizu üşin on şaqtı mwnayşı qalğan.

Astanadan Jañaözenge oralğan mwnayşılar "Özenmwnaygaz" kompaniyasına künde kelip, jwmıs mäselesin şeşudi talap etip jür.