Bügin külli mwsılmandar üşin qasietti sanalatın Ramazan ayıbastaldı. Barşa mwsılman qauımın osı wlıq merekeniñ bastaluımen qwttıqtaymız!

Ramazan – bwl tek auız bekitu men dini mindetterdi orındau ğana emes, sonımen qatar jürekti tazartu, sabırlıq pen ruhani kemeldikke jetu ayı. Bwl kezeñde ärbir mwsılman jaqsılıq jasap, jan düniesin nwrğa böleuge tırısadı.

Bwl aydıñ ärbir küni – sabır men tözimdilikke, keşirimdilik pen meyirimdilikke jeteleytin qwndı sätter. Aştıq pen şöl arqılı adamnıñ jan düniesi tazaradı, jüreginde meyirim oyanadı. Mwqtaj jandarğa kömektesip, sadaqa berip, jaqındarğa erekşe ıqılaspen qarau – Ramazannıñ bastı qağidalarınıñ biri.

Ramazan – keşirim men qwlşılıqtıñ, şeksiz sauaptıñ uaqıtı. Osı ayda jasalğan ärbir dwğa, igi amal on ese, jüz ese artıq sauappen qaytadı. Bwl – müminderdiñ janına şipa, ruhına azıq, jüregine tınıştıq sıylaytın sät.

Ramazan ayında bereke küşeyip, bauırmaldıq arta tüsedi. Ärbir oraza twtqan jan tek özin emes, qoğamdağı özge adamdardı da oylap, jaqsılıq jasauğa asığadı. Mwqtajdarğa kömektesu, ata-anağa qwrmet körsetu, ruhani damuğa bet bwru – osı aydıñ bastı maqsattarınıñ biri.

Qadirli ağayın, osı qasietti Ramazan ayında jasağan dwğalarımız qabıl bolıp, jüregimiz iman nwrına tolsın! El-jwrtımız aman, birligimiz bekem, berekemiz mol bolsın! Ärbir üyge şattıq, bereke, molşılıq, densaulıq pen amandıq tileymiz.

Alla barşa oraza wstağan pendeleriniñ nietterin qabıl alıp, eki dünieniñ de baqıtın näsip etsin! Ramazan ayı qwttı bolsın!

The Qazaq Times