فوتو: emer.gov.kz

قاتتى جاۋعان جاۋىن-شاشىننان جانە وزەن سۋى دەڭگەيىنىڭ كوتەرىلۋى سالدارىنان شىعىس قازاقستان وبلىسىنىڭ كۇرشىم اۋىلى مەن توپتەرەك اۋىلىن جالعاپ تۇرعان كوپىردى سۋ شايىپ كەتتى. بۇل تۋرالى قر ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتى حابارلادى.

"ەدىمەكەنگە قاۋىپ جوق، الايدا توپتەرەك اۋىلىنىڭ تۇرعىندارى ۋاقىتشا سىرتقى الەمنەن وقشاۋلانىپ قالدى دەسە دە بولادى. قازىرگى تاڭدا جول جابىلعان، بەكەت قويىلدى. وقيعا ورنىنان توپتەرەك اۋىلىنا دەيىن شامامەن 4 شاقىرىم. شىعىس وڭىرلىك اەروۇتقىر جەدەل-قۇتقارۋ جاساعىنىڭ قۇتقارۋشىلارى كۇرشىم اۋدانىنىڭ تجب، جەرگىلىكتى پوليتسيا قىزمەتى جانە اۋداندىق اكىمدىكپەن بىرلەسىپ ازىق-تۇلىك جەتكىزىپ، ادامداردى تاسۋدا", - دەلىنگەن حابارلامادا.

بۇدان بۇرىن شقو اكىمى دانيال احمەتوۆ زارداپ شەككەن ەلدى مەكەندەرگە بارىپ قايتقان. ول وسكەمەن اكىمدىگىنىڭ سۋ تاسقىنىن الدىن الۋ جۇمىستارى مەەن جاۋاپسىزدىعىن سىنعا العان.

فوتو پرەسس-سلۋجبى اكيماتا ۆكو

دانيال احمەتوۆ زارداپ شەككەن تۇرعىندارمەن كەزدەستى. فوتو: شقو اكىمدىگى

"دانيال احمەتوۆ جاعدايدى باعالادى جانە جەرگىلىكتى باسشىلاردىڭ ءوز ىسىنە دەگەن جاۋاپسىزدىعىن اتاپ ايتتى. سونداي-اق، ءبىر ساعات ىشىندە ساتباەۆ داڭعىلىنداعى قوزعالىستى رەتكە كەلتىرۋگە تاپسىرما بەردى. ۇيلەرى زاقىمدانعان بارلىق تۇرعىندارعا كومەك كورسەتىلەتىنىن ايتا كەتۋ كەرەك", - دەلىنگەن حابارلامادا.

ايتا كەتەيىك، شىعىس قازاقستان وبلىسىندا تولاسسىز جاۋعان جاۋىن-شاشىن مەن قاردىڭ ەرۋى سالدارىنان كەيبىر ەلدى مەكەندەردى سۋ باسىپ، تۇرعىندار قاۋىپسىز ايماققا كوشىرىلۋدە.

“The Qazaq Times”