• Qwrmetti analar, apalar, äpkeler jäne arular!

Sizderdi köktemniñ eñ jarqın äri meyirimge tolı merekesi – 8 Naurız Halıqaralıq äyelder künimen şın jürekten qwttıqtaymın! Bwl kün – swlulıqtıñ, näziktiktiñ, mahabbat pen analıq meyirimniñ simvolı. Sizder otbasınıñ berekesi, qoğamnıñ tiregi, ömirimizdiñ şuağısızdar!

Äyel – ömirdiñ mäni, otbasınıñ altın diñgegi. Ananıñ ayalı alaqanı men meyirimi, apa-äpkelerdiñ qamqorlığı, qızdardıñ swlu külkisi – osınıñ bäri älemdi jarıq etip, är künge quanış sıylaydı. Sizderdiñ aqıl-parasatıñız, eñbekqorlığıñız, meyirimderiñiz ärdayım bağalana bersin!

Bwl mereke alğaş ret 1857 jılı AQŞ-ta N'yu-York qalasındağı äyelderdiñ eñbek qwqığın qorğau maqsatındağı şeruinen bastau alğan. Olar auır jwmıs jağdayların jaqsartudı, jalaqı teñdigin talap etken edi. Keyinnen bwl qozğalıs halıqaralıq deñgeyde qoldau tauıp, 1910 jılı Daniyada ötken Halıqaralıq socialist äyelder konferenciyasında 8 naurız resmi türde äyelderdiñ teñ qwqıqtarı üşin küres küni retinde belgilendi. 1977 jılı BWW bwl kündi Halıqaralıq äyelder küni retinde moyındadı.

Bügingi tañda bwl mereke näzik jandılarğa alğıs aytu, olardıñ qoğamdağı rölin atap ötu jäne sıylastıq bildiru künine aynaldı.

Qwrmetti hanımdar!
Sizderge zor densaulıq, baq-bereke, baqıt pen mahabbat tileymin! Arman-maqsattarıñız orındalıp, är küniñiz quanışqa tolı bolsın! Janwyalarıñız aman, jüziñizden külki ketpesin!

Merekeleriñiz qwttı bolsın!

The Qazaq Times