B.Sağıntaev pen D.Ahmetov. Foto: Altaynews.kz

QR Prem'er-Ministri Baqıtjan Sağıntaev Şığıs Qazaqstan oblısına jwmıs saparı ayasında Semey qalasınıñ jwrtşılığımen kezdesu ötkizdi. Kezdesu barısında öñirdiñ äleumettik-ekonomikalıq damuınıñ özekti mäseleleri talqılandı. Bwl turalı ükimet basşısınıñ resmi saytı jazdı. 

Baqıtjan Sağıntaev kezdesu qatısuşılarına elimizde jürgizilip jatqan Konstituciyalıq reformalardıñ mänin tüsindirip, Ükimettiñ QR Prezidentiniñ «Qazaqstannıñ üşinşi jañğıruı: jahandıq bäsekege qabilettilik» attı Qazaqstan halqına Joldauın iske asıru boyınşa atqarıp jatqan jwmıstarı turalı ayttı.

QR Prem'er-Ministri ekonomikalıq ösimniñ jaña ülgisin qalıptastıru üşin Ükimet öz jwmısın 5 mañızdı basımdıqqa jwmıldıratının ayttı, sonıñ işinde - jappay käsipkerlikti damıtu, öndiristik jwmıspen qamtudı arttıru, tehnologiyalıq jañartu jäne ekonomikanı cifrlandıru, qarjılıq twraqtılıqpen qamtamasız etu jäne salalıq bağdarlamalardı iske asıru bar.

Kezdesu qatısuşıları öñirdiñ özekti mäselelerin talqılap, ŞQO-nıñ odan äri äleumettik-ekonomikalıq damuı jönindegi öz wsınıstarın ayttı.

Keñes barısında twrğın-üy qwrılısı, auıl şaruaşılığın damıtu, densaulıq saqtau salasına memlekettik qoldau körsetu, käsibi-tehnikalıq bilim berudi damıtu jäne bilim berudiñ üştildilik jüyesin engizu mäseleleri qozğaldı.

Jalpı, qala jwrtşılığı jürgizilip jatqan Konstituciyalıq reforma men QR Prezidentiniñ Joldauında atalğan mindetterge qoldau körsetetinderin bildirdi.

Jwrtşılıqpen kezdesu ayasında Semey qalasınıñ äkimi Ermak Sälimov, qalalıq ardagerler keñesiniñ törağası Amantay Doğalaqov, «Sät trans» JŞS direktorı Nwrlan Baybekov, elektr tehnikalıq kolledjiniñ direktorı Azat Sarpekov, Semey q. №7 mektep-liceyiniñ ağılşın tili mwğalimi Marina Ustyujaninova, «Qazaq tili» halıqaralıq qoğamınıñ vice-prezidenti Oral Şäripbaev, qalalıq ardagerler keñesiniñ müşeleri Nasen Sembaev pen Düysen Swltanov söz söyledi.

Kezdesu qorıtındısı boyınşa QR Prem'er-Ministri Baqıtjan Sağıntaev oblıs pen qala basşılığına öñirdi odan äri äleumettik-ekonomikalıq damıtu mäseleleri jöninde birqatar naqtı tapsırmalar berdi.

“The Qazaq Times”