Foto: alternattiveenergy.com

Şığıs Qazaqstanda künnen energiya alınbaq. Onıñ qwrılıs barısın oblıs basşısı Danial Ahmetov pen ispandıq «ARESOL» kompaniyasınıñ basqaru direktorı Diego Luazes talqıladı, dep habarlaydı ŞQO äkimdiginiñ baspasöz qızmeti.

Quat közi 30 MVt qwraytın kün elektrstanciyasınıñ qwrılısın keler jılı naurız ayında Jañğıztöbe kentinde bastau josparlanıp otır. Diego Luazestiñ sözinşe, Şığıs Qazaqstan künnen jılu aluğa qolaylı öñir bolğandıqtan tañdalğan, sonımen qatar «ŞQ AEK» jelileriniñ ötkizu qabileti de eskerilgen.

"Jobanıñ qwnı 43 million dollar şamasında. Qazirgi tañda investiciya qwyu jağın qarastırıp jatırmız. Bwl rette iske birinşi kezekte «ARESOL» kompaniyası kirisedi", – dedi käsipker.

Äkimdiktiñ mälimetinşe, joba elektr közin dästürli türde emes, onıñ balama közin qoldanu arqılı aluğa mümkindik beredi.

“The Qazaq Times”