تۇركيا وپەراتسياسىنان كەيىن سۇرياعا قايتقان بوسقىندار سانى ارتتى

وسى اپتادا سۇرياعا كورشى يوردانيا مەن ليۆاننان 700-دەي بوسقىن ورالعان. بۇل جونىندە ۆۆس حابارلادى.

بوسقىنداردىڭ باسىم بولىگى – بالالار. سونىمەن قاتار، سوڭعى تاۋلىكتە ەلدەگى 2,3 گەكتار اۋماق مينادان تازارتىلعان.

9 قازاندا تۇركيا ءسۇريانىڭ سولتۇستىگىندە «بەيبىتشىلىك قاينارى» اتالاتىن ارنايى وپەراتسيا باستاعان. تۇرىك اۆياتسياسى مەن ارتيللەرياسى كورشى ەل اۋماعىنداعى كۇرد جاساقتارىن سوققىعا الدى. اسكەري وپەراتسيانىڭ ماقساتى – لاڭكەستەرگە وڭتۇستىك شەكارادا ءدالىز قۇرۋعا جول بەرمەۋ.

نەگىزىنەن  تۇركيا مەن ءسۇريا اراسىنداعى قارىم-قاتىناس 1980-1990 جىلدارى شيەلەنىسە باستاعان. ويتكەنى، انكارا داماسكتى كۇردستاننىڭ جۇمىس پارتياسىن (رپك) قولدادى دەپ ايىپتادى. 1998 جىلدىڭ قازانىندا ەكى ەل قارىم-قاتىناسى ساياسي داعدارىسقا ۇشىراپ، وسى ماسەلەنى شەشۋ ءۇشىن تۇركيا سۇرياعا 45 كۇندىك مەرزىم بەردى. سول جىلى سۇريالىق بيلىك رپك كوشباسشىسى ابدۋللاح ودجالاندى ەلدەن قۋ تۋرالى شەشىمگە كەلگەن. كەيىننەن 1998 جىلى 20 قازاندا تۇركيا مەن ءسۇريانىڭ سىرتقى ىستەر مينيسترلىگى، ىشكى ىستەر باسقارماسىنىڭ وكىلدەرى ادانادا قاۋىپسىزدىك ماسەلەلەرى جونىندەگى بىرلەسكەن حاتتاما مەن كەلىسىمگە قول قويعان. اتالعان كەلىسىمگە سايكەس تۇرىك اسكەرلەرى ءسۇريادا ترانسشەكارالىق وپەراتسيا جۇرگىزۋگە قۇقىلى. تۇركيانىڭ بۇل قادامىن «اگرەسسياعا» بالاعان كۇردتەر جەر-جەردە نارازىلىق اكتسيالارىن ۇيىمداستىرىپ، حالىقارالىق ۇيىمداردان كومەك سۇراعان.

"The Qazaq Times"