ورالحان بوكەي شىعارمالارى پارسى تىلىندە. فوتو; الاش ايناسى.

ورالحان بوكەي شىعارمالارى پارسى ءتىلدى وقىرمانعا جول تارتتى. قالامگەردىڭ «بەس تيىن» اڭگىمەسى ايناش قاسىمنىڭ اۋدارماسىمەن يراننىڭ ادەبيەت سۇيەر قاۋىمىنا ۇسىنىلدى.

ورالحان شىعارمالارى بۇعان دەيىن دە بىرنەشە شەت تىلدەرگە اۋدارىلعانى بەلگىلى. ال، پارسى ءتىلدى وقىرماندارمەن العاشقى جۇزدەسۋى دەۋگە بولادى. ايناش قاسىم الداعى ۋاقىتتا جازۋشىنىڭ «قاسقىر ۇلىعان تۇندە» اتتى شىعارماسى يراندىق ادەبي باسىلىمدارعا جاريالانباق.

شىن مانىسىندە، بۇعان دەيىن دە قازاق قالامگەرلەرىنىڭ شىعارمالارى پارسى تىلىنە وتە سيرەك اۋدارىلعان. ۇلى اباي مەن زاڭعار م.اۋەزوۆتىڭ شىعارمالارى، سونداي-اق، ن. كەلىمبەتوۆتىڭ ءبىر شىعارماسى عانا پارسى ءتىلدى وقىرمانعا جەتكەن. ونىڭ وزىندە ورىس تىلىنەن اۋدارىلعان. سوندىقتان دا، پارسى ءتىلدى وقىرماندار قازىرگى قازاق ادەبيەتىنىڭ تىنىس تىرشىلىگىنەن بەيحابار.

وسىنداي تۇستا ايناش قاسىم باستاعان اۋدارماشىلاردىڭ ەكى حالىقتىڭ ادەبي الماسۋىنا ەڭبەك ەتىپ جاتقانى كوڭىلگە ءۇمىت ۇيالاتادى.

“The Qazaq Times”