فوتو: http://kazgazeta.kz (دوسجان بالابەكۇلى)

م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ رەپەرتۋارى جاڭا قويىلىممەن تولىقتى. جاڭا قويىلىم كورنەكتى جازۋشى-دراماتۋرگ ورالحان بوكەيدىڭ «قار قىزى»پوۆەسىنىڭ جەلىسىمەن قويىلعان. قويىلىم رەجيسسەرى – جۇلدىزبەك جۇمانباي.

قويىلىم پەرمەراسىنا دەيىن باق وكىلدەرىنە ءباسپاسوز ءماسليحاتى وتكىزىلدى. تەاتر ديرەكتورى ءسابيت ابدىحالىقوۆ سوزىندە: «بيىل ءتورتىنشى ۇلكەن پرەمەرا كورەرمەنگە جول تارتىپ وتىر. قاڭتاردا «سۇيىكتى مەنىڭ اعاتايىم» پرەمەراسىمەن باستاعانبىز، ودان كەيىن «قوبىلاندى»، «اتتيلا» پرەمەرالارى بولدى. سونىمەن قاتار، كورەرمەندەردىڭ سۇراۋى بويىنشا «بەس بويداققا ءبىر توي» قويىلىمىن قايتا شىعاردىق، ونداعى ارتىستەر قۇرامى تولىقتاي وزگەردى. سونىمەن قاتار، «مۇقاعاليمەن سىرلاسۋ» پوەتيكالىق كومپوزيتسياسى  دا كورەرمەنگە جول تارتتى. بيىل ءۇش حالىقارالىق فەستيۆالگە قاتىستىق. داعىستاندا وتكەن حالىقارالىق فەستيۆالدە «سۇيىكتى مەنىڭ اعاتايىم» باس جۇلدەگە يە بولدى»، – دەدى.

قويىلىمنىڭ شىعارماشىلىق قۇرامى:

قويۋشى-رەجيسسەر – جۇلدىزبەك جۇمانباي

رەجيسسەردىڭ اسسيستەنتى – كۋانىش بەيساگاليەۆ

قويۋشى-سۋرەتشى – التىناي ءجۇسىپالى

بالەتمەيستەر – كارينا دجيرەنباەۆا

رەجيسسەردىڭ كومەكشىسى – سۋمبات گەنياروۆا.

«قار قىزى» قويىلىمىنىڭ سيپاتتاماسى: سپەكتاكل كورنەكتى جازۋشى-دراماتۋرگ و.بوكەيدىڭ «قار قىزى» پوۆەسىنىڭ ساحنالىق نۇسقاسى بويىنشا قويىلدى. قىس ورتاسىندا مال ازىعى تاۋسىلىپ، تراكتورمەن الىستان ءشوپ اكەلۋگە شىققان ءۇش جاس جىگىت اق قار، كوك مۇزدى تاۋ اراسىندا جولدان اداسادى. اينالا اپپاق الەم، ۇسكىرىك اياز. ءۇسىپ ءولۋ قاۋپى تۋعان كەيىپكەرلەر ءۇشىن ءومىر مەن ءولىمنىڭ ارپالىسى باستالىپ، ولاردىڭ شىنايى بولمىستارى دا اشىلا تۇسەدى. وسى ءبىر قيىن ساپاردىڭ باسىندا ولار قوڭقايعا، ال، سوڭىندا «...قوڭقاي ءزالىم جەڭبەسىن دەپ ايىرتاۋدا وتىرعان..» سيىرشى شالعا جولىعۋى بەكەر ەمەس. الەمدە جاماندىق جايلاپ كەتپەۋى ءۇشىن وعان جاقسىلىق قارسى تۇرادى. ءومىردىڭ ۇلى تەپە-تەڭدىك زاڭدارىنىڭ ءبىرى وسى بولسا كەرەك...

"The Qazaq Times"