بۇگىن قازاقستاندا ەلدەگى 4 مىڭعا تارتا كىتاپحانادا 5.7 ملن وقىرمانعا ءبىلىم-ىزەتىمەن قىزمەت كورسەتىپ جۇرگەن 10 مىڭ كىتاپحاناشىنىڭ كاسىبي مەرەكەسى.
ەكى جىل الدىن، 2022 جىلى 18 قازانداعى ۇكىمەت قاۋلىسىمەن «24 قازان – كىتاپحاناشىلار كۇنى» بولىپ بەكىتىلگەن. ادامزاتتىڭ اقىل-ويىنا قويما بولىپ، ار-وجدان، پاراساتىن ساقتاپ-ۇسىنىپ وتىرعان اسا قادىرلى مادەني وردا قىزمەتكەرلەرىنىڭ ەڭبەگى ەرەكشە.
ءبىلىم مەكەنى سانالاتىن مەكەمەنىڭ ءدىلمار تىنىشتىعى جانعا داۋا، ويعا دەم بەرەدى. بالالارعا ءىلىم ارتتىراتىن، ەرەسەكتەر كۇندەلىكتى تىرلىكتىڭ اۋرە-سارساڭىنان ءبىر ۋاق وقشاۋلانىپ، رۋحاني ازىقتاناتىن ورىن. قازاق قالامگەرى عابيت مۇسىرەپوۆتىڭ «كىتاپ دەگەنىمىز – الدىڭعى ۇرپاقتىڭ ارتقى ۇرپاققا قالدىرعان رۋحاني وسيەتى. كىتاپ وقۋدان تىيىلساق، وي ويلاۋدان دا تىيىلار ەدىك» دەگەن پىكىرىن كورنەكتى جازۋشى ءابىش كەكىلباەۆ «ادامدى ادام ەتكەن – كىتاپ، ادامزات ەتكەن – كىتاپحانا» دەپ تۇيىندەگەن. بۇدان ارتىق باعا، انىقتاما تابۋ قيىن.
ۇلتتىق ستاتيستيكا بيۋروسىنىڭ مالىمەتىنشە, قازاقستان وقۋ ورىندارىنداعى مەكەمەلەردى ەسەپتەمەگەندە، ءوز الدىنا جۇمىس ىستەپ تۇرعان 4 مىڭعا تارتا كىتاپحاناعا 5.7 ملن وقىرمان بارادى، ونداعى 1.6 ميلليونى بالا.
بىلتىر كىتاپحاناشى مەملەكەت قورىنداعى (قايتالانۋى مۇمكىن) 66 ميلليون كىتاپتى قولعا بەرىپ، قايتارىلۋىن قاداعالاعان.
ەلىمىزدە 3924 كىتاپحانا بار، تاراتىپ ايتقاندا، 3909 كىتاپحانا مەملەكەت مەنشىگىندە، 15-ءسى جەكەگە قارايدى. ولاردىڭ 14%-ى قالادا، 86%-ى اۋىلدىق جەرلەردە. ونىڭ 3 877-ءسى امبەباپ، ياعني كوپشىلىككە ارنالعان، 260-قا جۋىعى بالالار جانە جاسوسپىرىمدەرگە ارنالعان، 20-سى عىلىمي جانە تاعى 20-سى عىلىمي باعىتتا جۇمىس ىستەيدى. ەڭ كوبى تۇركىستان (400-دەي) وبلىسىندا، ەڭ ازى استانا (23) قالاسىندا.
رەسپۋبليكاداعى 4 مىڭعا تارتا كىتاپحانانىڭ وقۋ زالى جالپى سىيىمدىلىعى 42 مىڭ وقىرمانعا شاقتالعان. ءبىر وكىنىشتىسى، پايدالانۋشىلارعا ارنالعان كومپيۋتەرلەر سانى 5 مىڭعا جەتپەيدى. اۋىلدى جەرلەردەگى كىتاپحانالاردىڭ 45%-ى (1515 نىسان) ينتەرنەتكە قوسىلماعان.
كىتاپحانا سالاسىنداعى 10 مىڭنان اسا قىزمەتكەردىڭ 21%-ى جاستار. وسى ماقساتتا كەيىنگى وقۋ جىلدارى سەگىز ۋنيۆەرسيتەتكە مەملەكەتتىك تاپسىرىس نەگىزىندە «كىتاپحانا ءىسى، اقپاراتتاردى وڭدەۋ جانە مۇراعات ءىسى» ماماندىعىنا 100 شاقتى گرانت ءبولىنىپ كەلەدى.
كىتاپحاناشىنىڭ ءىسى كەلگەن-كەتكەن وقىرماندى تىركەپ، قاعاز تولتىرۋ عانا ەمەس، ولار ۇدايى مادەني جاڭالىقتاردان حاباردار بولىپ وتىرادى. كۇندەلىكتى اقپارات اعىنىن قاداعالايدى. مادەني-قوعامدىق تاقىرىپتا ارنايى كورمەلەر ازىرلەيدى، وقىرمانىن تىلەۋىنە جەتكىزەدى، تانىمدىق ءىس-شارالار وتكىزەدى. سىرتتاي ءىش پىستىرارلىق كورىنەتىن، شىنىندا پايدالى شاراعا وقۋشى، كورەرمەن تارتۋ دا قولىندا اكىمشىلىك رەسۋرسى جوق كىتاپحاناشىعا كوپ سالماق تۇسىرەدى.
الماتى قالاسىنداعى وتىزدان اسا كىتاپحانانىڭ كوبى جاڭاردى، ۇشەۋىنىڭ ەسىگى تاۋلىك بويى اشىق. كىتاپحاناشىلار ءۇش اۋىسىممەن قىزمەت ەتەدى.
QT رەداكتسياسى كىتاپحانا الەم كىتاپحانالارىنداعى 20 ملرد كىتاپتىڭ 73 ميلليونىن باپتاپ-كۇتىپ وتىرعان قازاقستاندىق كىتاپحاناشىلاردى كاسىبي مەرەكەسىمەن شىن جۇرەكتەن قۇتتىقتايدى. جەكە تۇلعا رەتىندە ادامي بولمىسقا قاجەت بار باقىتتى، كاسىبي مامان ەسەبىندە ورلەۋ-تابىس تىلەيمىز!
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟
"انتي-اەس" قوعامدىق قوزعالىسى: بيلىك اەس-كە قارسىلاردىڭ قۇقىقتارىن بۇزۋدا