تاياۋدا كۋريل ارالدارىنا رەسەيلىك شەندىلەر باسقارۋ توبىمەن بارعاننان كەيىن، جاپونيا سىرتقى ىستەر مينيسترلىگى ماسكەۋگە نارازىلىق حاتىن جولداعان. بۇل ماسەلەگە قاتىستى رەسەي پرەمەر-ءمينيسترى دميتري مەدۆەدەۆ رەسمي مالىمدەمە جاسادى.
باق وكىلدەرىمەن بولعان كەزدەسۋدە مەدۆەدەۆ: «جاپون حالقىنىڭ نارازىلىعى ءبىزدىڭ ەش الاڭداۋشىلىعىمىزدى تۋعىزبايدى. كۋريل ارالدارى رەسەي جەرىنە تيەسىلى. ارالدار ساحالين وبلىسىنا كىرەدى. سول سەبەپتى رەسەيلىكتەردىڭ ول جاققا بارۋعا تولىقتاي قۇقىعى بار»، – دەدى.
جاپونيا ءسىم تاراتقان مالىمدەمەدە: «جاپونيا رەسەي پرەمەر-ءمينيسترى د.مەدۆەدەۆتىڭ وڭتۇستىك كۋريل ارالدارىنا بارۋىنا قاتىستى نارازىلىق بىلدىرەدى. بۇل جايت جاپون حالقى ءۇشىن دە اۋىر ءتيدى. سەبەبى ەكى ەل اراسىنداعى ارال داۋىنا بايلانىستى. ءبىزدىڭ تاراپ رەسمي تۇردە رەسەيدى ناقتى دوستىق بايلانىس ورناتۋعا شاقىرامىز. جاپونيا مەن رەسەي داۋلى ماسەلەلەردى شەشۋگە مۇددەلى» – دەلىنگەن. دەگەنمەن، ماسكەۋ توكيونىڭ بۇل «الاڭداۋشىلىعى» مەن نارازىلىعىن نەگىزگە العان جوق.
تاراپتار اراسىنداعى «ارال داۋىنىڭ» حرونولوگياسى ەرتەدەن باستالادى. نەگىزىنەن جاپونيا «ۇلكەن جەتىلىك» ەلدەرىنىڭ ىشىندە قىرىم اننەكسياسىنان كەيىن پۋتينمەن كەزدەسۋ ۇيىمداستىرعان ەكىنشى مەملەكەت. سوعان قاراماستان، جاپونيا مەن رەسەي اراسىنداعى ىنتىماقتاستىق كەلىسىمگە 70 جىلدان بەرى قول قويىلماي كەلەدى. ياعني ەكى ەل ەكىنشى دۇنيەجۇزىلىك سوعىستان كەيىن ارنايى كەلىسىمشارت جاساسقان جوق. جاپونيا جانە رەسەي 1855 جىلدىڭ 7 اقپانىندا يتۋرۋپ جانە ۋرۋپ ارالدارىنىڭ اراسىنداعى شەكارانى انىقتايتىن ءبىرىنشى ورىس-جاپون كەلىسىمشارتىنا (سيمود تراكتاتى) قول قويدى. سول ۋاقىتتان باستاپ يتۋرۋپ، كۋناشير، شيكوتان جانە حابوماي اتالعان شارتقا سايكەس جاپونياعا تيەسىلى. بۇل كۇن جاپونيادا «سولتۇستىك اۋماقتار كۇنى» رەتىندە اتاپ وتىلەدى.
15 شىلدەدە رەسەي بەيبىت كەلىسىم اياسىندا كۋريل تىزبەگىندەگى ەكى ارالدى (حابوماي جانە شيكوتان ارالدارى) جاپونياعا قايتارۋدان باس تارتقان. Kyodo اگەنتتىگى حابارلاعانداي، ماسكەۋ اقش پەن جاپونيا بايلانىسىن ءجىتى باقىلاي وتىرىپ وسىنداي شەشىمگە كەلگەن. سونىمەن قاتار، توكيو مەن ماسكەۋ اراسىندا بەيبىت كەلىسىم جاسالماعان. جاپونيا پرەمەر-ءمينيسترى سيندزو ابە مەن رەسەي پرەزيدەنتى ۆلاديمير پۋتين وسى ماسەلەگە قاتىستى 2012 جىلدان بەرى بىرنەشە رەت كەزدەسۋ ۇيىمداستىرعان. بىراق، كەزدەسۋلەردىڭ ەشقايسىسى وڭ ناتيجە بەرگەن جوق.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى