ۆلاديمير پۋتين ارمەنيا پرەمەر-ءمينيسترى نيكول پاشينيانمەن تاۋلى قاراباقتاعى احۋال جونىندە سويلەستى.
رەسمي كرەمل جاريالاعان حابارلامادا: «تاۋلى قاراباق بويىنشا پىكىر الماسۋ كەزىندە رەسەي، ارمەنيا جانە ءازىربايجان باسشىلارىنىڭ 2020 جىلعى 9 قاراشاداعى جانە وسى جىلعى 11 قاڭتارداعى كەلىسىمدەر تالقىلاندى. رەسەي تاراپى ايماقتاعى تۇراقتىلىقتى قامتاماسىز ەتۋگە باعىتتالعان ساياساتىن جالعاستىرادى» – دەلىنگەن.
حالىقارالىق قاۋىمداستىقتار تاۋلى قاراباقتى ازەربايجان بولىگى دەپ سانايدى. بىراق 1990 جىلداردان باستاپ بۇل ايماقتى ەتنيكالىق ارمياندار باقىلاي باستاعان. بىلتىر قىركۇيەكتىڭ سوڭىندا ايماقتا جاعداي قايتا ۋشىعىپ، التى اپتاعا سوزىلعان سوعىستىڭ ناتيجەسىندە ەكى جاقتان بارلىعى 6 مىڭنان استام ادام مەرت بولدى. قاراشادا رەسەيدىڭ ارااعايىندىق ەتۋىمەن تاراپتار اراسىندا ورتاق كەلىسىم جاسالىپ، اتىس توقتادى.
كەلىسىمگە سايكەس، تاۋلى قاراباقتىڭ ءبىر بولىگى مەن جەتى اۋدان ازەربايجان جاعىنا قايتارىلدى. وسى جاعدايدان كەيىن ارمەنيا وپپوزيتسياسى شەرۋگە شىعىپ، ۇكىمەتتى تاراتۋدى تالاپ ەتتى. نارازىلىقتان سوڭ ەل پرەمەر-ءمينيسترى نيكول پاشينيان وتستاۆكاعا كەتىپ، ەلدە كەزەكتەن تىس پارلامەنتتىك سايلاۋ وتكىزىلدى.
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى