ءازىمباي عالي. فوتو: ەلارنا.

ەۋرازيالىق  ەكونوميكالىق  وداعىندا داعدارىس، مۇشە مەملەكەتتەر – بەلورۋسسيا مەن قازاقستان نارازى. ەگەردە بەلورۋسسياعا  اشۋىن باسۋ ءۇشىن رەسەيدەن اقشا مەن پرەفەرەنتسيا بولسا، بىزگە اقشا پالەندەي كەرەك ەمەس. بىزگە ەۋرواز ەو-دان ەكونوميكالىق پايدادان زيان كوبىرەككە ۇقسايدى. رەسەيگە باتىس  قايتا-قايتا سانكتسيالار سالا بەرسە بىزگە دە سوققى بولارى بارىمىزگە ايان. ەۋروازەو-دان اجىراۋ قاشان بولارى بەلگىسىز. ءبىزدىڭ قاۋىپتەنەتىن سەبەبىمىز – رەسەي بىزگە گيبريدتىك سوعىس (ۋكرايناداعىداي)جۇرگىزە مە دەپ قاۋىپتەنۋىمىز، ەكونوميكانى باسقا نارىقتارعا باعىتتاۋ دا قيىن.

سونىمەن ەۋروازەو ىدىراۋعا جاقىن. رەسەيدىڭ وزىندە ۇلكەن داعدارىس: ەكونوميكاسىن، تۇرمىسىن دەندەپ الدى. ەندى رەسەيگە تەك ساياسي داعدارىسقا باتۋ  قالدى. ساياسي داعدارىس بىزگە وتارلىقتىڭ سوڭعى قامىتىن سىرىپ تاستاۋعا مۇمكىندىك بەرەر مە ەكەن. قازاقتىڭ ورىسشىل باسشىلارى ءبىزدى وعان دەيىن ورىس ءتىلدى مەملەكەتكە اينالدىرىپ ۇلگىرمەسە.

يرلانديا ەگەمەندىك الۋىمەن بىرگە اعىلشىن تىلىنە كوشىپ، يرلاند ءتىلىن قۇربان قىلدى. شوتلانديا ەليتاسى ەگەمەندىكتى اڭساسا ، يرلاند حالقىنىڭ كوبىسى  ۇلىبريتانيادان بولىنگىسى جوق. شوتلاندىقتاردىڭ باسىم كوپشىلىگى اعىلشىن ءتىلدى. مەنىڭ شوتلانديالىق دوسىم شوتلانديانىڭ ەگەمەندىگىن قولدامايدى، تەك اعىلشىنشا سويلەيدى. ونىڭ ايتۋىنشا شوتلاندىقتاردىڭ باستى ۇلتتىق قۇندىلىعى – ەرلەر كيەتىن يۋبكا.

20 عاسىردىڭ ەكىنشى جارتىسىندا افريكانىڭ كوپتەگەن ەلدەرى اعىلشىن، فرانتسۋز تىلىنە ءتول ءتىلىن الماستىردى. الجيردە 1962 ساياسي ەليتا مەن يستەبليشمەنت  تەك فرانتسۋزشا سويلەپ، ارابشانى قولداماعان. ولار ەكى رەت ارابيزاتسيا ساياساتىن باستادى. ارابيزاتسيا -اراب تىلىنە ءوتۋ ساياساتىن قولداۋ نەگىزىنەن حالىق بولدى. بۇگىنگى كۇنى كوپتەگەن اراب قىزمەتكەرلەرى مەن ينتەلليگەنتسياسى - ءوزارا فرانتسۋز-اعىلشىنشا سويلەسكەندى ءجون كورەدى. مىنە بۇل تاجىريبەلەر، وتارسىزدانۋدىڭ ەڭ باستى ماقساتى – ەگەمەندىك پەن ءتول ءتىلدى ساقتاۋ ەكەنىن انىق ايتىپ تۇر.

“The Qazaq Times”