31 مامىر قۋعىن-سۇرگىن قۇرباندارىن ەسكە الۋ كۇنىنە بايلانىستى الماتى قالاسى جاستار ساياساتى ماسەلەلەرى جونىندەگى باسقارما قولداۋىمەن، «جاستار ءۇنى» جقب «كوزقاراس» جوباسى اياسىندا «مەن سەنەمىن جاستارعا» اتتى دوڭگەلەك ۇستەل وتكىزدى.

دوڭگەلەك ۇستەلگە قازاقستانعا تانىمال دوس كوشىم، ايدوس سارىم، راسۋل جۇمالى، ەركىن راقىشەۆ، عابيدەن جاكەي سىندى ازاماتتار قاتىستى. دوڭگەلەك ۇيتەلدە جوعارىدا اتى اتالعان ازاماتتار جاستارمەن 1929-1933 جىلدارى بولعان اشارشىلدىق جايىندا، 1937-1938 جىلدارعى رەپرەسسيا قۇرباندارى جايىندا وي ءبولىستى.

جاستارىمەن باس قوسۋدا دوس كوشىم «ءبىز تاۋەلسىز ەل اتانساقتا الاش زيالىلارىنىڭ قۇرعان باعدارلاماسىنداعى ءبىر عانا دۇنيەنى ورىندادىق. ول جەكە مۋفتيات قۇرۋ. قالعانىنا ءالى جەتە الماي كەلەمىز.» دەدى.

دوس كوشىم مەن جانۇزاق اكىم.

ال ساياساتتانۋشى راسۋل جۇمالى «وسى ۋاقىتقا دەيىن تالاي زوبالاڭدى، اشارشىلىقتى، رەپرەسسيانى باسىنان وتكەرگەن يزرايل دە، ۋكراينا دا بۇل دۇنيەلەردى مەملەكەتتىك دارەجەدە، بىرىككەن ۇلتتار ۇيىمى دەڭگەيىندە گەنوتسيد دەپ تانىدى. ال ءبىز ءالى وتىرمىز. سول باياعى قورقاقتىق، سول باياعى جەلتاقتىق» دەدى.

راسۋل جۇمالى.

بەلگىلى ساياساتتانۋشى ايدوس سارىم «كەزىندە كەڭەس زامانىندا كەڭەس قايراتكەرلەرىن ناسيحاتتاپ كەلدىك، كىتابىن شىعاردىق، كوشە بەردىك. ءبىر قالادا مىسال ءۇشىن ميرزوياننىڭ دا كوشەسى تۇر، ءبىر قالادا الاش قايراتكەرلەرىنىڭ دە كوشەسى تۇر. بۇل قالاي بولدى، تازا «شيزوفرينيا» ما؟ كوشە اتاۋلارى ەڭ الدىمەن ساياسي ماسەلە. كوشە اتاۋلارىنىڭ وسكەلەڭ ۇرپاق تاربيەسىنە، پسيحولوگياسىنا تيگىزەتىن ازەرى وتە زور. قازىر وسىعان بايلانىستى بىزدە كەڭ كولەمدەگى كەشەندى كوزقاراس جوق.» دەدى.

ايدوس سارىم.

“The Qazaq Times”