قر باس پروكۋراتۋراسى قاڭتارداعى دۇربەلەڭنەن سوڭ ۇستالعان، قامالعان ازاماتتار مەن قوزعالعان ىستەردىڭ سانىن جاريالاپ، ەلدەگى وقيعالار كەزىندە تۇسىرىلگەن فوتو/ۆيدەو ماتەريالداردى جيناۋ ءۇشىن ارنايى سايت اشقانىن جاريالادى.
«تج رەجيمى كەزەڭىندە جاسالعان قۇقىق بۇزۋشىلىقتار ءۇشىن 6966 اكىمشىلىك ءىس جۇرگىزۋلەر قوزعاۋ تۋرالى حاتتامالار تولتىرىلدى، ءارتۇرلى اكىمشىلىك جاۋاپتىلىققا 4918 ادام تارتىلدى، ونىڭ ىشىندە 1978 ادام قاماققا الىندى. 791 ادامعا ايىپپۇل سالىندى جانە 2149-ى ەسكەرتىلدى. سوتتاردىڭ قاراۋىندا 2048 ماتەريال بار.
بۇگىندە جەدەل-تەرگەۋ توپتارى 494 قىلمىستىق ءىستى، ونىڭ ىشىندە 44 – تەرروريزم اكتىلەرى بويىنشا، 34 – جاپپاي تارتىپسىزدىكتەر بويىنشا، 15 ادام ءولتىرۋ جانە باسقالارى بويىنشا تەرگەپ-تەكسەرۋدە.
قىلمىس جاسادى دەگەن كۇدىكپەن 524 ادام ۋاقىتشا ۇستاۋ يزولياتورلارىنا قامالدى. سوتتىڭ سانكتسياسىمەن 412 ادام قاماۋعا الىندى. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلۋدە» دەپ حابارلادى.
ەلدە دۇربەلەڭ كەزىندە ءىز-ءتۇسسىز كەتكەن ادامداردى جاقىندارى ىزدەپ جاتىر. ازىرگە قانشا ادامنىڭ ءىز-دەرەكسىز كەتكەنى تۋرالى ناقتى اقپارات بەلگىسىز.
جوعالعان ادامدار تۋرالى اقپارات جيناقتاۋ ءۇشىن ازاماتتىق بەلسەندىلەر ارنايى سايت اشقان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى