31 mamır quğın-sürgin qwrbandarın eske alu künine baylanıstı Almatı qalası jastar sayasatı mäseleleri jönindegi basqarma qoldauımen, «Jastar üni» JQB «Közqaras» jobası ayasında «Men senemin jastarğa» attı döñgelek üstel ötkizdi.

Döñgelek üstelge Qazaqstanğa tanımal Dos Köşim, Aydos Sarım, Rasul Jwmalı, Erkin Raqışev, Ğabiden Jäkey sındı azamattar qatıstı. Döñgelek üytelde joğarıda atı atalğan azamattar jastarmen 1929-1933 jıldarı bolğan aşarşıldıq jayında, 1937-1938 jıldarğı repressiya qwrbandarı jayında oy bölisti.

Jastarımen bas qosuda Dos Köşim «Biz täuelsiz el atansaqta Alaş ziyalılarınıñ qwrğan bağdarlamasındağı bir ğana dünieni orındadıq. Ol jeke muftiyat qwru. Qalğanına äli jete almay kelemiz.» dedi.

Dos Köşim men Janwzaq Äkim.

Al sayasattanuşı Rasul Jwmalı «Osı uaqıtqa deyin talay zobalañdı, aşarşılıqtı, repressiyanı basınan ötkergen Izrayl' de, Ukraina da bwl dünielerdi memlekettik därejede, Birikken Wlttar Wyımı deñgeyinde genocid dep tanıdı. Al biz äli otırmız. Sol bayağı qorqaqtıq, sol bayağı jeltaqtıq» dedi.

Rasul Jwmalı.

Belgili sayasattanuşı Aydos Sarım «Kezinde keñes zamanında keñes qayratkerlerin nasihattap keldik, kitabın şığardıq, köşe berdik. Bir qalada mısal üşin Mirzoyannıñ da köşesi twr, bir qalada Alaş qayratkerleriniñ de köşesi twr. Bwl qalay boldı, taza «şizofriniya» ma? Köşe atauları eñ aldımen sayasi mäsele. Köşe ataularınıñ öskeleñ wrpaq tärbiesine, psihologiyasına tigizetin äzeri öte zor. Qazir osığan baylanıstı bizde keñ kölemdegi keşendi közqaras joq.» dedi.

Aydos Sarım.

“The Qazaq Times”