قاراشا ايىنىڭ ءبىرىنشى جارتىسىندا الماتىدا 2276 ادامنىڭ تالداۋىنان كوروناۆيرۋس انىقتالعان، تاعى 59 ادامعا كوروناۆيرۋس پنەۆمونياسى دياگنوزى قويىلعان. قازىر قالادا 2 مىڭنان اسا تۇرعىن ەمدەلىپ جاتىر. وتكەن ايدا سانى ايتارلىقتاي قىسقارعان اۋرۋحانالارداعى توسەك-ورىن قورىنىڭ 42%-ىندا ناۋقاستار بار.
قوعامدىق دەنساۋلىق ساقتاۋ باسقارماسىنىڭ مالىمەتىنشە، وتكەن تاۋلىكتە، 15 قاراشادا تىركەلگەن 114 ادامنىڭ 111-ءى سيمپتوم بەلگىلەرىمەن، تاعى ۇشەۋى سيمپتومسىز. سونىمەن قوسا، دۇيسەنبى كۇنى 72 ادام اۋرۋحاناعا جاتقىزىلعان.
جالپى قالادا سىيىمدىلىعى 1774 ورىن بولاتىن ينفەكتسيالىق ستاتسيونارلاردا 748 ادام ەمدەلىپ جاتىر. ولاردىڭ اراسىندا 18 بالا توسەككە تاڭىلعان. ال رەانيماتسيا جانە قارقىندى تەراپيا بولىمدەرىندە 81 ناۋقاس جاتىر. 14 ادام ءوجج، 40 ناۋقاس ءينۆازيۆتى ەمەس ءوجج جانە 18 سىرقات High flow اپپاراتىمەن تىنىستاپ جاتىر. سونداي-اق، بمسك مەن تەلەمەديتسينا ورتالىعىنىڭ ءموبيلدى توپتارىمەن بىرگە ءۇي جاعدايىندا 1,2 مىڭ ناۋقاس امبۋلاتورلىق دەڭگەيدە باقىلاۋعا الىنعان.
جەكسەنبىدە ەكى ادام كوروناۆيرۋس پەن وعان ۇقساس پنەۆمونيادان قايتىس بولعان. قازان ايىندا 173, قاراشا ايى باستالعالى 43 الماتىلىق وسى دەرتتەن كوز جۇمعان.
باقسارما مالىمەتىنشە، الماتى قالاسىندا بيىل اقپاننان بەرى 1 ملن 11 مىڭنان ادام ەكپەنىڭ العاشقى، ونىڭ ىشىندە 951 مىڭى تولىق دوزاسىن العان. ونىڭ 121 مىڭى 60 جاستان اسقان ازاماتتار. قازىر 132 ەگۋ پۋنكتى مەن 205 ەگۋ بريگاداسىندا 733 مەدقىزمەتكەر جۇمىس ىستەيدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟