ميللياردەرلەرگە ءتان بەس قاراپايىم ادەت

اقشا، اتاق، بايلىق، بيلىك – ءبىر كۇندە كەلە سالاتىن دۇنيەلەر ەمەس. بارلىق ءىستىڭ ءبىر باستاماسى بولادى. قازىر الەمدەگى ەڭ باي، قۋاتتى ازاماتتار ءبىر كۇنى جاتىپ، ەرتەسى ميلليونەر بولىپ ويانعان جوق. بىراق ولاردىڭ ءومىرباياندارى مەن ءجۇرىپ وتكەن ەڭبەك جولدارى تۋرالى ەستىپ، ءبىلىپ، جاتتاپ تا العان شىعارمىز. جەتىستىكتىڭ قۇپياسىن بىلە تۇرا وعان كەز-كەلگەننىڭ قولى جەتە بەرمەيتىنى اقيقات. بىراق بارىنشا تىرىسىپ باقساڭ، ءتۇبى ءوزىڭنىڭ دەگىنىڭە جەتەسىڭ. دىتتەگەن مەجەگە جەتە الماساڭ دا جەردە قالمايتىنىڭ راس.

الەمدەگى ەڭ بەدەلدى پسيحولوگتار باي، تابىستى ادامدارعا ءتان قاسيەتتەر مەن ادەتتەردى زەرتتەپ كورگەن بولاتىن. ەندى ءوزىڭىزدىڭ بويىڭىزدا وسى ادەتتەردىڭ بار-جوعىن باعامداپ كورىڭىز.

بايلىقتىڭ كىلتى بولاتىن ادامنىڭ بويىندا بەلگىلى قاسيەتتەر مەن ادەتتەر بولادى.

1.  ەڭ باي ادامداردىڭ 85 پايىزى كۇن سايىن ءوزىن-ءوزى جەتىلدىرۋمەن اينالىسادى ەكەن. قانشا ءبىلىمدى بولىپ، عىلىمي دارەجەسى جەر جارىپ تۇرعانىنا قاراماستان كۇنىنە جارتى ساعاتىن ءبىلىم الۋعا ارناپ وتىرادى. بۇل قاسيەت قاراپايىم كىتاپ وقۋمەن شەكتەلمەي، قورشاعان ورتاعا، عىلىمعا دەگەن ىقىلاستى ارتتىرادى.

2. ال تابىستى ادامداردىڭ 76 پايىزى كۇنىنە كەمىندە جارتى ساعاتىن دەنە جاتتىعۋلارى مەن شىنىعۋعا ارنايدى ەكەن. جاننىڭ جانە ءتاننىڭ ساۋلىعى كەز-كەلگەن جەتىستىكتىڭ باستاماسى ەكەنى اقيقات.

3. جەتىستىككە جەتكەن ادامدار اينالاسىنا وزىنە ۇقسايتىن ماقساتى ايقىن ءارى ومىرگە وپتيميستىك كوزقاراسپەن قارايتىن ادامداردى جينايدى. كۇندەلىكتى باسقا دا تابىستى، اشىق، العىر ادامدارمەن ارالاسۋ ارقىلى دامىپ، جەتىلىپ وتىرىۋدى ءجون سانايدى. تەك ءوزى سەكىلدى نەمەسە وزىنەن دە مىقتىلارمەن ارالاسادى.

4. باي ادامداردىڭ بارلىعى دەرلىك الدارىنا ايقىن ماقساتتار قويىپ، سوعان جەتۋدى مۇقيات قاداعالايدى. ماقساتى ايقىن ادامعا ارماننىڭ اسۋلارى دا الىس ەمەس.

5. ال ميللياردەرلەردىڭ 50 پايىزى جۇمىس ۋاقىتى باستالعاننان 3 ساعات بۇرىن ويانادى ەكەن. بۇل كۇندەلىكتى بەلگىلى ءبىر ءتارتىپ پەن ەرەجەگە باعىنۋ قاجەت ەكەندىگىن كورسەتەدى.

“The Qazaq Times”